رووداو دیجیتاڵ
گوتەبێژی پۆلیسی گەرمیان دەڵێت، لە ناحیەی رزگاری سەر بە قەزای کەلار، شەڕە چەقۆ لە نێوان پێنج گەنجدا دروستبووە و یەکێکیان کوژراوە.
شەوی شەممە 23-9-2023، عەلی جەمال قدووری، گوتەبێژی پۆلیسی گەرمیان بە تۆڕی میدیایی رووداوی گوت، لە شەڕی نێوان پێنج گەنجەکەدا، جگە لەو گەنجەی کوژراوە، سێ گەنجی دیکەیان برینداربوون. هۆکاری دروستبوونی شەڕەکە هێشتا نەزانراوە و پۆلیس دەستی بە لێکۆڵینەوە کردووە.
لەبارەی ناسنامە و تەمەنی کوژراوەکەوە، گوتەبێژی پۆلیسی گەرمیان گوتی، "ئەو کەسەی کوژراوە تەمەنی 19 ساڵە، ناوی (ب. ج)ـە، سەرەتا برینداربووە و لە کاتی گواستنەوەی بۆ نەخۆشخانە گیانی لەدەستداوە."
بەگوتەی عەلی جەمال قدووری، بریندارەکان رەوانەی نەخۆشخانەی شەهید هەژار لە کەلار کراون و چارەسەری پێویستییان بۆ کراوە و دۆخی تەندروستییان جێگرە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ