نێچیرڤان بارزانی، سەرۆکی هەرێمی کوردستان و د. جێزا ئەندریاس ڤۆن گایەر، وهزیرى دهوڵهتى ئەڵمانیا بۆ كاروبارى دهرهوه
رووداو دیجیتاڵ
سەرۆکی هەرێمی کوردستان لەگەڵ وەزیری دەوڵەتی ئەڵمانیا بۆ کاروباری دەرەوە و شاندی یاوەری کۆبووەوە. وەزیرەکەی ئەڵمانیا و شاندەکە دووپاتیان کردەوە، وڵاتەکەیان بە بایەخەوە سەیری سەقامگیریی عێراق و هەرێمی کوردستان دەکات.
نیوەڕۆی ئەمڕۆ چوارشەممە 25-02-2026 نێچیرڤان بارزانی، سەرۆکی هەرێمی کوردستان پێشوازیی لە د. جێزا ئەندریاس ڤۆن گایەر، وهزیرى دهوڵهتى ئەڵمانیا بۆ كاروبارى دهرهوه و شاندێکی یاوەری کرد.
بەپێی راگەیێندراوی سەرۆکایەتیی هەرێمی کوردستان، لە کۆبوونەوەی هەردوولادا، پەرەپێدانی پەیوەندییەکانی ئەڵمانیا لەگەڵ عێراق و هەرێمی کوردستان، دوایین پێشهاتهکانی دۆخی سیاسیی عێراق و هەرێمی کوردستان و پەیوەندییەکانی هەولێر ـ بەغدا و دۆخی ناوچهکه، تاوتوێ کراون.
وەکو لە راگەیێندراوەکەدا هاتووە، شاندەکەی ئەڵمانیا دووپاتیان کردووەتەوە، ئەڵمانیا بە بایەخەوە سەیری سەقامگیریی عێراق و هەرێمی کوردستان دەکات و خواستی وڵاتهکهیان بۆ بهردهوامیی هاریکاریی هاوبەشیان لە بوارە جیاوازەکاندا، دهربڕیوە.
.jpeg "پێشوازیی نێچیرڤان بارزانی، سەرۆکی هەرێمی کوردستان لە د. جێزا ئەندریاس ڤۆن گایەر، وهزیرى دهوڵهتى ئەڵمانیا بۆ كاروبارى دهرهوه")
لای خۆیەوە نێچیرڤان بارزانی سوپاسی هاوکاری و پشتگیرییەکانی ئەڵمانیای بۆ هەرێمی کوردستان له ههموو بوارهکاندا کردووە، هەروەها جەختی لە گرنگیی چارەسەرکردنی ئاشتییانهی کێشەکان و پاراستنی ئارامیی ناوچەکە کردووەتەوە.
ههڕهشه و مهترسییهکانی داعش، دۆخی سووریا و چەند پرسێکی جێی بایەخی هەردوولا، تەوەرێکی دیکەی کۆبوونەوەکە بوو کە باڵیۆزی ئەڵمانیا لە عێراق و کۆنسووڵی گشتییان لە هەرێمی کوردستان، ئامادەی بوون.
.jpeg "كۆبوونەوەی نێچیرڤان بارزانی، سەرۆکی هەرێمی کوردستان لەگەڵ د. جێزا ئەندریاس ڤۆن گایەر، وهزیرى دهوڵهتى ئەڵمانیا بۆ كاروبارى دهرهوه و شاندی یاوەری")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ