هەڵەیەک روویدا! دووبارە هەوڵبدە
رووداو دیجیتاڵ
دوای ئەوەی بەیانی ئەمڕۆ لە رووداوێکی ئاگرکەوتنەوەدا لە گەرەکی ماڵتای دهۆک دوو منداڵ برینداربوون، ئەم ئێوارە یەکێکیان بەهۆی سەختیی برینەکەیەوە گیانی لەدەستدا.
پێنجشەممە، 25-07-2024، قادر قاسم، یاریدەدەری بەڕێوەبەری نەخۆشخانەی سووتان لە دهۆک بە رووداوی راگەیاند، کاژێر 7:00ی ئێوارە، رۆکان مەتین، کە 90٪ی جەستەی سووتابوو، گیانی لەدەستدا.
کاژێر 10:30 بەیانی ئەمڕۆ، تانکی گاز لە سەربانی یەکێک لە ماڵەکانی گەڕەکی ماڵتا گڕیگرت و بەهۆیەوە دوو منداڵ کە برابوون برینداربوون، یەکێکیان زیاتر 90٪ و ئەوەی دیکە 25٪ی جەستەی سووتا.
سەبارەت بە تەندروستیی منداڵەکەی دیکە، قادر قاسم گوتی: "تەندروستی جێگیرە و چارەسەری پێویستی بۆ کراوە."
بێوار عەبدولعەزیز، گوتەبێژی بەرگریی شارستانیی دهۆک لە کۆنگرەیەکی رۆژنامەڤانیدا رایگەیاند، منداڵەکان لەکاتی یاریکردن ئاگریان بەرداوەتە تانکییەکە و ئەو کارەساتە روویداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ