دیمەنێکی ئاگرەکە.
رووداو دیجیتاڵ
ئاگر لە دەوروبەری گوندی کەندیی سنووری ناحیەی قەسرۆکی سەر بە قەزای شێخان کەوتووەتەوە و هۆکاری ئاگرەکە نادیارە.
دانیشتووەکی گوندەکە دەڵێت، ئاگرەکە لە کۆنترۆڵ دەرچووە و تیمی بەرگریی شارستانی هەوڵی کوژاندنەوەی دەدەن.
پەیامنێری رووداو دەڵێت، ئاگرەکە زیانی گیانیی نەبووە.
یاسر سەباح دانیشتووی گوندى کەندى ڤیدیۆی ئاگرەکەی بۆ رووداو ناردووە و دەڵێت، کاژێر 11:30 خولەکی پێشنیوەڕۆ لە نزیک شەقامی شیخان - قەسرۆک ئاگر لە پووش و پاوانی گوندەکەیان کەوتەوە و ئاگرەکە کۆنترۆڵکرا. بەڵام دەڵێت، دواتر ئاگرەکە جارێکی دیکە سەریهەڵداوەتەوە و ئێستا لە کۆنترۆڵ دەرچووە.
ئەو شوێنەی ئاگرەکەی لێ کەوتووەتەوە، بەشێکی زەویی کشتوکاڵییە، پەرێزی گەنم و شوێنی بەخێوکردنی مەڕ و ماڵاتی خەڵکی گوندەکەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ