رووداو دیجیتاڵ
بەڕێوەبەری سەنتەری فریاکەوتنی خێرای سلێمانی"122" رایگەیاند، 30 خوێندکاری پەیمانگە، کە بۆ سەیران چووبوونە دووکان، بەهۆی خۆراکەوە ژەهراوی بوون.
رۆژی شەممە، 27-05-2023 سامان نادر، بەڕێوەبەری سەنتەری فریاکەوتنی خێرای سلێمانی"122" بە تۆڕی میدیایی رووداوی راگەیاند: "30 خوێندکاری پەیمانگەی قەیوان، سەردانی سەیرانگەی دووکانیان کردووە و بەهۆی خۆراکەوە تووشی ژەهراویبوون بوون."
بەگوتەی بەڕێوەبەری سەنتەری فریاکەوتنی خێرای سلێمانی، ئەو 30 خوێندکارە خواردنیان لەگەڵ خۆیان بردووە و دەڵێ "رەنگە بەهۆی گەرمی و ساردی خواردنەوە ژەهراوی بووبن."
لەبارەی تەندروستیی خوێندکارەکان، بەڕێوەبەری سەنتەری فریاکەوتنی خێرای سلێمانی گوتی، ئاگاداری رەوشی تەندروستیان نین، چونکە ئەوان لە نەخۆشخانەی دووکانن و ئەمبیوڵانسیان بۆ ناردوون بۆ ئەوەی هەموویان رەوانەی نەخۆشخانەی شار بکرێن.
بەشێک لەو خوێندکارانەی لە هاوینەهەواری دووکان بەهۆی خۆراکەوە ژەهراوی بوون، گەیێندرانە نەخۆشخانەی شار لە سلێمانی
— Rudaw (@Rudawkurdish) May 27, 2023
ڤیدیۆ: پێشەوا بەختیار - رووداو pic.twitter.com/HRJ5fBhIwf
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ