هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری ئاو و ئاوەڕۆی پارێزگای ورمێ دەڵێت، بەهۆی کەمیی بارانبارینەوە 600 گوندی ئەو پارێزگایە رووبەڕووی کەمئاوی بوونەتەوە.
رۆژی سێشەممە، 27ـی ئایاری 2025، لەتیف خۆش سیرەت، بەڕێوەبەری ئاو و ئاوەڕۆی پارێزگای ورمێ رایگەیاند، لە بەشێک لە گوندەکانی پارێزگاکە بەهۆی کەمبوونەوەی ئاوی کانیاوەکان و ئاوی ژێرزەوییەوە رووبەڕووی کێشەی کەمئاوی بوونەتەوە.
لەتیف خۆش سیرەت گوتی: "دابینکردنی ئاو بۆ گوندە کەمئاوەکانی پارێزگاکە لە رێگەی پڕۆژەی جۆراوجۆرەوە لە کارنامەی کارماندایە. جێبەجێکردنی ئەو پلانە بەردەوام دەبێت تاوەکو هەموو ئەو گوندانەی پێویستیان بە ئاوی خواردنەوەیە سوودمەند دەبن."
بەرێوەبەری ئاو و ئاوەڕۆی ورمێ ئاماژەی بەوەشکرد: "تێکڕای بەکارهێنانی ئاو لە پارێزگاکەدا بۆ هەر کەسێک لە رۆژێکدا 202 لیترە؛ تێکڕای ستاندارد بە نزیکەی 135 لیتر خەمڵێندراوە؛ هەربۆیە پێویستمان بە پاراستنی ئاوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ