رووداو دیجیتاڵ
سبەی رێپێوانێک بۆ پاڵپشتی لە رۆژئاوای کوردستان لە پارێزگای وانی باکووری کوردستان دەکرێ.
پلاتفۆرمی دامەزراوە دیموکراسییەکان دوو رۆژە لە وان ئامادەکاری بۆ رێپێوانێکی گەورە دەکات و داوا لە خەڵکی دەکات بەشداری تێدا بکەن.
رێپێوانەکە کاژێر 13:00 لە وان مۆڵەوە بۆ پارکی ئاشتیی موسا عەنتەر بەڕێوەدەچێ.
گولشەن کورت، هاوسەرۆکی رێکخستنەکانی دەم پارتی لە پارێزگای وان رایگەیاند: "لە رۆژئاڤا خەڵکی سڤیل دەکوژرێن و منداڵان لە برسان دەمرن. ئێمە لە هەر چوار پارچەی کوردستان بۆ بەرزکردنەوەی دەنگی رۆژئاڤا لە بەرخودانداین. ئێمە خاوەنداری لە رۆژئاڤا دەکەین و لە هەموو گەڕەکێکدا بەرخۆدانی خۆمان بەرفراوان دەکەین."
گولشەن کورت دەڵێ، چاوەڕێی بەشدارییەکی زۆر خەڵکی وان دەکەن.
رێپێوانەکە لە کاتێکدایە، لە ئەنجامی هێرشەکانی سوپای عەرەبی سووریا و گرووپەکانی سەر بە دیمەشق گوشارێکی گەورە لەسەر رۆژئاوای کوردستان دروستبووە و تەنانەت شاری کۆبانێ گەمارۆیەکی تووندی لەسەرە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ