هەڵەیەک روویدا! دووبارە هەوڵبدە
رووداو - دهۆک
شێخ میرزا خەتاری، خزمەتکار و مجێوری پەرستگای لالش کە یەکێکە لە بەتەمەنترین خزمەتکارەکانی پارستگاکە، پاشنیوەڕۆی ئەمڕۆ کۆچی دواییکرد. بە گوتەی کوڕەکەی، شێخ میرزا هەموو تەمەنی بۆ خزمەتی پەرستگاکە و ئایینی ئێزدی تەرخان کردبوو.
ئیسکان شێخ میرزا، کوڕی کۆچکردوو بە رووداوی گوت، "باوکم هیچ نەخۆشییەکی نەبوو، پاشنیوەڕۆ گوتی، سەرم ئێش دەکات. بردوویانە بۆ نەخۆشخانەی شێخان بۆ چارەسەر و هەر لەوێ گیانی سپاردووە."
شێخ میرزا خەتاری لە ساڵی 1931 لەدایکبووە، لە تەمەنی 13 ساڵی دەستی بە خزمەتکردنی پەرستگای لالش کردووە تاوەکو کۆچی دوایی کرد بەردەوام بووە لەسەر خزمەتەکەی.
خانم شەمۆ خەتاری، بەرپرسی نووسینگەی لالش لە خەتارێ بە رووداوی گوت، شێخ میرزا یەکێک بوو لە خزمەتکار و مجێورە دیارەکانی لالش، لەگەڵ ئەوەشدا گۆرانیشی دەگوت.
شێخ میرزا خاوەنی چوار کچ و چوار کوڕە؛ تەرمەکەی لە گۆڕستانی کۆمەڵگای خەتارێ سەر بە ناحیەی ئەلقوش بەخاکسپێردراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ