رووداو دیجیتاڵ
کەشناسیی هەرێمی کوردستان دەڵێ، پێشبینی دەکرێ ئەمڕۆ و سبەی بارانبارین لە ناوچە جیاکان بەردەوام بێ. کەشناسی هەروەها ئاماری ئەم وەرزی بارینی لە سەنتەری پارێزگا و ئیدارە سەربەخۆکان بڵاوکردەوە و رایگەیاند، زۆرترین بڕ لە رانیە باریوە کە زیاترە لە هەزار ملیمەتر.
بەگوێرەی کەشناسیی هەرێمی کوردستان، ئەم وەرزەی بارین لە سەنتەری پارێزگا و ئیدارە سەربەخۆکان بارانبارین بەمشێوەیە بووە:
شاری هەولێر 625.2 ملیمەتر - سلێمانی 904.9 ملیمەتر - دهۆک 713.2 ملیمەتر - هەڵەبجە 913.6 ملیمەتر - سۆران 818.8 ملیمەتر - زاخۆ 809.8 ملیمەتر – راپەڕین (رانیە) 1029.5 ملیمەتر - گەرمیان (کەلار) 487.9 ملیمەتر.
هەروەها کەشناسیی کەرکووک ئەمڕۆ یەکشەممە بە تۆڕی میدیایی رووداوی گوت: "لەم وەرزەی بارین 360 ملیمەتر باران لە کەرکووک باریوە".
کەشوهەوای ئەمڕۆ و سبەی
کەشناسی رایگەیاند: "لەدوای نیوەڕۆی ئەمڕۆ یەکشەممەوە پێشبینی نمەباران لە ناوچە شاخاوییەکان دەکرێ، دواتر کاریگەری نزمە پاڵەپەستۆیەک درێژ دەبێتەوە بۆ سەر ناوچەکەمان، کاریگەرییەکەی لەسەر پارێزگای دهۆک و ئیدارەکانی زاخۆ، سۆران و بەشێک لە راپەڕین و بەشێک لە سنووری باکووری پارێزگای هەولێر زیاتر دەبێ و هەندێک کات بارانی مامناوەندیان لێ دەبارێ".
لەبارەی کەشوهەوای سبەی، کەشناسیی هەرێمی کوردستان رایگەیاندووە، بەرەبەیان کاریگەریی بارانبارین زیاتر دەبێ، بەتایبەتی لە سنووری پارێزگای دهۆک، ئیدارە سەربەخۆکانی سۆران، زاخۆ و راپەڕین؛ ئاماژەی بەوەشکردووە، سبەی لە زۆرینەی ناوچەکان ئەگەری نمەباران هەیە و پێشبینیش دەکرێ، لە ناوچە شاخاوییەکان تەرزە ببارێ.
کەشناسی رایگەیاندووە، سبەی بەراورد بە ئەمڕۆ، پلەی گەرما "کەمێک" دادەبەزێ و بەمشێوەیە دەبێت:
هەولێر؛ 14 پلەی سیلیزی
پیرمام؛ 10 پلەی سیلیزی
سۆران؛ 11 پلەی سیلیزی
حاجی ئۆمەران؛ 5 پلەی سیلیزی
سلێمانی؛ 12 پلەی سیلیزی
چەمچەماڵ؛ 13 پلەی سیلیزی
دهۆک؛ 11 پلەی سیلیزی
زاخۆ؛ 12 پلەی سیلیزی
هەڵەبجە؛ 14 پلەی سیلیزی
گەرمیان؛ 17 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ