رووداو دیجیتاڵ
ئاگر لە مزگەوتێکی دێرینی شاری ئامەدی باکووری کوردستان کەوتەوە.
ئەمڕۆ لە کاتی نوێژی هەینییدا ئاگر لە مزگەوتی کورشونلوی ئامەد کەوتەوە کە تەمەنی 508 ساڵە و دەکەوێتە گەڕەکی فاتیح پاشا لە ناوچەی سوور.
بەڕێوەبەرایەتیی بەرگریی شارستانیی ئامەد هۆکاری ئاگرکەوتنەوەکەی بڵاونەکردەوە، بەڵام رایگەیاند، دوای نزیکەی کاژێرێک کۆنترۆڵ کراوە.
بەشی ناوەوەی مزگەوتەکە بەهۆی ئاگرەکەوە زیانی بەرکەوت و چەند هاونیشتمانییەکیش لەکاتی کوژاندنەوەیدا تووشی تەنگەنەفەسی بوون و رەوانەی نەخۆشخانە کران.
بەڕێوەبەرایەتیی بەرگریی شارستانی دەڵێت، لێکۆڵینەوە لە هۆکاری کەوتنەوەی ئاگرەکە دەستیپێکردووە و دواتر بە راپۆرتێک ئاشکرای دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ