رووداو دیجیتاڵ
بڕیارە گردبوونەوەیەکی بەرفراوان بۆ پشتیوانیکردنی رۆژئاوای کوردستان لە شاری ئامەدی باکووری کوردستان رێکبخرێ.
لەژێر ناونیشانی (رۆژئاوا تێکۆشانە و ئازادییە) پلاتفۆرمی دامەزراوە دیموکراسییەکان کە چەند لایەنێکی سیاسی و رێکخراوی کۆمەڵگەی مەدەنیی کورد لەخۆدەگرێ، بڵاویکردەوە، رۆژی 1ـی شوباتی 2026 گردبوونەوەیەکی بەرفراوان بۆ پشتیوانیکردن لە رۆژئاوای کوردستان رێکدەخەن.
پلاتفۆرمی دامەزراوە دیموکراسییەکان داوا لە سەرجەم هێز و لایەنە سیاسییەکان، رێکخراوەکانی کۆمەڵگەی مەدەنی، پیشەگەران، کاسبکاران، کەسانی ئەکادیمی، خوێندکار و هاونیشتمانییان بەگشتی دەکات، بۆ گەیاندنی دەنگی بەهێزی پشتیوانیکردنیان لە رۆژئاوای کوردستان، لە گردبوونەوەکەدا بەشداربن.
پلاتفۆرمەکە رایگەیاندووە، گردبوونەوەکە کاژێر 15:00ـی رۆژی 1ـی شوباتی 2026 لە پارکی کۆشویۆڵو لەبەردەم باڵەخانەی کۆمەڵەی مافی مرۆڤ لە شارۆچکەی رێزان (باغڵار) لە ئامەدی باکووری کوردستان دەستپێدەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ