مردنی دوو پزیشك لە بۆلیڤیا داخستنی نەخۆشخانەکانی لێکەوتەوە

رووداو- هەولێر 

لە بۆلیڤیا نەخۆشخانەکان بۆماوەی ٢٤ کاژێر داخران و پزیشكان و کارمەندانی تەندروستی گردبوونەوە و داوای دۆخێكی کارکردنی تەندروستی گونجاو و سەلامەتتر دەکەن. 

لەدوای مردنی دوو پزیشك بەهۆی هەوکردنی سەختی ڤایرۆسی لە مانگێكدا، پزیشكان و کارمەندانی تەندروستی بۆلیڤیا نەخۆشخانەکانیان بۆماوەی ٢٤ کاژێر داخست و گردبوونەوەیەکی فراوانیان رێکخست. 

فێرناندۆ رۆمێرۆ، سەرۆکی سەندیکای کارمەندانی تەندروستی گشتی لە بۆلیڤیا دەڵێت، هۆکاری مانگرتنی ئەوان خراپی دۆخی کارکردنە لە وڵاتەکەیان، کە پێویستییەکانیان لەبەردەست نین، لە دۆخێكی هەژاری بێ دەرمان و پێویستییەکانی دیکە کاردەکەن و دەشڵێت لەلایەن حکومەت و وەزارەتی تەندروستی پشتگوێخراون.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger