رۆژهەڵاتی نێوەڕاست
هاکان فیدان، وەزیری دەرەوەی تورکیا و حوسێن ئەمیرعەبدوڵڵاهیان، وەزیری دەرەوەی ئێران
رووداو دیجیتاڵ
هاکان فیدان، وەزیری دەرەوەی تورکیا و حوسێن ئەمیرعەبدوڵڵاهیان، وەزیری دەرەوەی ئێران لە ئەنقەرە کۆبوونەوە و دواتر کۆنفرانسێکی رۆژنامەڤانیی هاوبەشیان ئەنجامدا.
لە کۆبوونەوەکەدا، وەکو هاکان فیدان دەڵێت، دۆخی عێراق و سووریا تاوتوێکراوە و "پاڵپشتی لە حکومەتی عێراق دەکەین."
لەبارەی شەڕی حەماس و ئیسرائیل لە غەززە، هاکان فیدان گوتی، "دەبێت ئیسرائیل دەست لە ئەنجامدانی تاوان هەڵبگرێت."
وەزیری دەرەوەی تورکیا خواستی وڵاتەکەی بۆ زیاتر فراوان نەبوونی شەڕ دەربڕی و گوتی، "نامانەوێت شەڕی نێوان ئیسرائیل و حەماس گەورە بێت و ناوچەکە بگرێتەوە."
فیدان باسی لە خراپی دۆخی مرۆیی لە غەززە کرد و گوتی، "دەبێت هاوکاری مرۆیی زیاتر رەوانەی شارەکە بکرێت."
لای خۆشییەوە، حوسێن ئەمیرعەبدوڵڵاهیان ئیسرائیلی بە بەکارهێنانی "چەکی قەدەخەکراو لە غەززە" تۆمەتبار کرد و گوتی، "ئەگەر دۆخەکە کۆنترۆڵ نەکرێت، ئەمریکا بەرپرس دەبێت لە تێکچوونی رەوشی ناوچەکە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ