گوتەبێژی پێشووی سێنتکۆم بۆ رووداو: هێرشەکانی ئەمریکا بۆ سەر گرووپە چەکدارەکان چەند رۆژێک بەردەوام دەبن

 

رۆژی شەممە، 3-2-2024، جۆی بوچینۆ، گوتەبێژی پێشووی فەرماندەیی ناوەندیی هێزەکانی ئەمریکا – سێنتکۆم میوانی بەرنامەی نوورۆژی رووداو بوو و لەبارەی هێرشەکەی دوێنێ شەوی ئەمریکا بۆ سەر سووریا و عێراق قسەی بۆ رووداو کرد. بوچینۆ رایگەیاند، "هێرشەکانی ئەمریکا دەچنە هەفتەی داهاتوو، بەڵام چەند رۆژێک دەخایەنن نەوەک چەند هەفتەیەک." ئەو بەرپرسەی پێشووی ئەمریکا گوتی، "ئێران یاری لەگەڵ ئێمە دەکات و شەڕ بە گرووپەکان دەکات و پێمان پێدەکەنێت."

 

هەروەها گوتەبێژی پێشووی سێنتکۆم گوتی، "سەرۆک بایدن و ئیدارەکەی نایانەوێت مەترسییان بکەوێتە سەر، ئەمەش ئەو هەستەی هەیە ئەگەر ئێمە هێرشێکی راستەقینە بکەین و بمانەوێت ئێران ئازار بدەین، ئەوا دەبێتە شەڕێکی بەرفراوان."

 

ئەمریکا بەر لەوەی هێرشبکاتە سەر گرووپە چەکدارەکان ئاماژەی بە هێرشەکان کردبوو بەڵام کات و شوێنێ ئاشکرا نەکردبوو، جۆی بوچینۆ لەوبارەوە دەڵێت، "ئەوان بەر لە هێرشەکە لە کۆنفرانسە رۆژنامەڤانییەکاندا هەموو نهێنییەکیان گوت، بە ئاشکرا گوتیان هێرش ناکەینە سەر ئێران، بەڵکو [گرووپە چەکدارەکان] بەدواتاندا دێین."

 

 

 

 

جۆی بوچینۆ: ئێمە لە هەمان ئامانجمان داوە، ئێمە لە چەند مانگی داهاتوو هەر لەو ئامانجانەمان داوە، بەڵام ئەمجارە لە ئامانجی زیاترمان دا. ئەم گرووپە چەکدارانە دەتوانن دووبارە عێراق پڕ درۆن بکەنەوە. ئەو ژێرخانانەی کە ئێمە کردمانە ئامانج لەم چەند هەفتەیە، بۆیە ئەمە هیچ دەستکەوتێکی نابێت.

 

 

جۆی بوچینۆ: پێموایە ستراتیژییەکە روونە، نایەوێت مەترسیی بکەوێتە سەر. ستراتیژییەکە وەکو یاری دامە وایە. ئەو گرووپە چەکدارانە جووڵەیەک دەکەن، دواتر ئێمە جووڵەیەک دەکەین، دواتر ئەوان جووڵەیەک و پاشان ئێمە جووڵەیەکی دیکە دەکەین، ئیدی بەمجۆرە ئێمە لەو یارییە بەردەوام دەبین بێ ئەوەی هیچ ئەنجامێک یان کۆتاییەکی هەبێت.

 

 

جۆی بوچینۆ: سەرۆک بایدن و ئیدارەکەی نایانەوێت مەترسییان بکەوێتە سەر، ئەمەش ئەو هەستەی هەیە ئەگەر ئێمە هێرشێکی راستەقینە بکەین و بمانەوێت ئێران ئازار بدەین، ئەوا دەبێتە شەڕێکی بەرفراوان. ئەوەی لێرە دەیبینین، لە پێنج رۆژی دوایی ئێمە بە ئاشکرا باسی ئەوەمان کردووە. ئێمە هێرش دەکەین. ئێمە هێرشێکی تووند دەکەین. ئێمە هێرش ناکەینە سەر ئێران. ئێمە لەگەڵ ئێران شەڕمان ناوێت. ئێمە بێگومان شەڕمان لەگەڵ ئێران ناوێت. ئەمە زۆر لاواز دەردەکەوێت. 

 

 

جۆی بوچینۆ: بەڵێ کاتێکی زۆر بوو. ئێمە پێنج رۆژمان لە قسەکردن لەسەر ئەمە بەسەربرد، لەوکاتەشدا گرووپە چەکدارەکانی نێو عێراق و سووریا ریزەکانی خۆیان تووندتر کردەوە، چەکەکانی خۆیان شاردەوە و رۆکێتەکانی خۆیان بردە دەرەوە.

 

 

جۆی بوچینۆ: پێویستی نەکرد هیچ زانیارییەکی نهێنی بدات، ئەوان بە ئاشکرا گوتیان. ئەوان لە کۆنفرانسە رۆژنامەڤانییەکان باسیانکرد، ئێمە لە ئێران نادەین، ئێمە بەدواتاندا دێین، ئێمە لە ئێران نادەین. ئەوان پێویستیان بەوە نەبوو هیچ زانیارییەکی نهێنیان بۆ بنێرن، ئەوان خۆیان هەموو شتێکیان لە پێنتاگۆن باسکرد.

 

 

جۆی بوچینۆ: لێرە لە ئەمریکا، بە تایبەت لە واشنتن دی سی، گوشارێکی زۆر لەسەر بایدن هەبوو، دوای کوژرانی سێ سەربازی ئەمریکی، بۆ ئەوەی شتێک بکات. منیش بەو شتە دەڵێم "شتێک بکە"، ئەویش کردی. ئەو ئێستا دەتوانێت بڵێت، کە شتێکی کرد، بەڵێ هەر بەڕاست ئەو شتێکی کرد، کە هیچ دەستکەوتێکی نەبوو.

 

 

جۆی بوچینۆ: من پێموایە کە لە سێ هەفتەی داهاتوو، گرووپێکی دیکەی بە وەکالەت، گرووپێکی دیکەی چەکداری دەبینن و لە هێزەکانمان دەدەن. ئێوە دەیبینن کە ئەوە روودەدات. سەیرکە، ئێمە بەو جۆرە بیری لێدەکەینەوە، ئێران زۆر دڵخۆشە بەو یاریکردنە. ئێران لەگەڵ ئەمریکا لە شەڕدایە، بەڵام ئێران هیچ کام لەو شەڕە ناکات. ئەو گرووپە میلیشیایانەی کە ئێران پارەداریان دەکات شەڕەکەی بۆ دەکەن. ئەو گرووپانە هەژارن و ئێرانیش دڵخۆشە کە دەبینێت ئەوان دەکوژرێن، ئێران هیچ گرنگییەک بەوان نادات. بۆیە من پێموایە کە ئەوە ئێران بەهێزتر دەکات و پێموایە کە ئێران گوشاری سەر ئەمریکا زیاتر دەکات.

 

 

جۆی بوچینۆ: پێموایە ئەوە تاقیکردنەوەیەکە، هەمان ئەو گرووپانەی کە ئێمە هێرشمان کردە سەریان، لێمان دەدەن و هێرشمان دەکەنە سەر چونکە ئەوان زۆر بە خێرایی دەتوانن مووشەک و درۆنەکانی خۆیان وەرگرنەوە، ئەو مووشەک و درۆنانە بە ئاسانی دروست دەکرێن و بە ئاسانی بەرهەمدەهێندرێن.

 

 

جۆی بوچینۆ: هیوادارم گەورەتر و پتەوتر بێت، هیوادارم لەوە تووندتر بێت و هێرشربکاتە سەر ئەو ئامانجانەی، کە گرنگن چونکە ئەو ئامانجانەی ئێستا هیچ گرنگییەکیان نییە.

 

 

جۆی بوچینۆ: باشترین وەڵام ئەوەیە کە هێرشبکاتە سەر ئەو ئامانجانەی کە مانا و گرنگییان هەبێت، لە ناوەوەی ئێران یان هێرش بۆ سەر بەرپرسەکانی ئێران بەخێرایی بەبێ ئەوەی بۆ ماوەی چەندین رۆژ بەردەوام قسەی لەسەر بکات.

 

 

جۆی بوچینۆ: پێموایە دەچێتە هەفتەی داهاتوو، چەند رۆژێک دەخایەنێت. چەند رۆژێک دەبێت نەوەک چەند هەفتەیەک.

 

 

جۆی بوچینۆ: ناتوانم زانیاریی نهێنیتان لەسەر هێرشەکان پێبدەم.

 

جۆی بوچینۆ: ئیدارەکە بەردەوام و دووبارە قسە لەسەر ئەوە دەکات و چەندین زانیاریی زۆر مەترسیدار دەدەن، ئەوان قسە زۆر دەکەن و ئەم هێرشانەش گرنگی لەدەستدەدەن، ئەوان دەیانەوێت خەڵک بزانێت کە ئەوە چەندین رۆژ دەخایەنێت، ئەوان وا هەست دەکەن کە دەستی پاڵەوانی لەبەردەم ئێران دەوەشێنن و واش نییە. پێموایە کە ئێران بە ئێمە پێدەکەنێت.

 

 

جۆی بوچینۆ: پێموایە کە ئەوە هەڵەیە و هیچ کاریگەرییەکی نییە.