نێچیرڤان بارزانی، سەرۆکی هەرێمی کوردستان
رووداو دیجیتاڵ
سبەی هەینی، نێچیرڤان بارزانی، سەرۆکی هەرێمی کوردستان سەردانی ئیماراتی عەرەبی دەکات.
دڵشاد شەهاب، گوتەبێژی سەرۆکایەتیی هەرێمی کوردستان دەڵێت، "سەردانەکە لە ئاستێکی باڵادایە و سەرۆکی هەرێمی کوردستان لەگەڵ سەرۆکی ئیمارات کۆدەبێتەوە".
دڵشاد شەهاب باس لەوەش دەکات، "پەیوەندییەکی تووندوتۆڵ لەنێوان هەرێمی کوردستان و ئیماراتدا هەیە.. سەردانەکەی هەرێمی کوردستان بۆ پتەوترکردنی پەیوەندییەکانە".
پەیوەندییە دیپلۆماسی و ئابوورییەکانی نێوان هەرێمی کوردستان و ئیمارات لە ئاستێکی بەرزدایە و سەرۆکی هەرێمی کوردستان چالاکانە سەردانی فەرمی بۆ ئەو وڵاتە دەکات.
لە کۆتا مانگی 2023، سەرۆکی هەرێمی کوردستان بەشداری لە یادی رۆژی نیشتمانی ئیمارات لە دوبەی کرد و رایگەیاند، لە دڵەوە پیرۆزبایی لە سەرکردایەتی، حکومەت و گەلی ئیماراتی یەکگرتووی عەرەبی دەکەن.
ئیماراتی لە ئاستێکی بەرزدا وەبەرهێنان لە هەرێمی کوردستان دەکات. تیشکی خستووەتە سەر چەند کەرتێکی سەرەکی وەکو وزە، کشتوکاڵ و ژێرخانی ئابووری.
کۆمپانیاکانی ئیمارات وەک دانە گاز و هیلال پترۆلیۆم وەبەرهێنانێکی بەرچاویان لە کەرتی وزەی کوردستاندا کردووە، بە تایبەتی لە فراوانکردنی کێڵگەی گازی کۆرمۆر کە ئامانجی زیادکردنی بەرهەمهێنانی گازە لە کوردستان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ