هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری گشتیی میراتی کولتووری، گەشتیاری و پیشە دەستییەکانی بانە رایگەیاند، فێستیڤاڵی هەڵپەڕکێی بانە وەک بۆنەیەکی گەشتیاریی ئێران تۆمار کرا.
ئەمڕۆ دووشەممە 3ی تشرینی دووەمی 2025، سەعدوڵڵا عەزیزی، بەڕێوەبەری گشتیی میراتی کولتووری، گەشتیاری و پیشە دەستییەکانی بانە لە پارێزگای سنەی رۆژهەڵاتی کوردستان رایگەیاند، بڕیارەکە رۆژی 2ی تشرینی دووەمی 2025 لەلایەن وەزارەتی میراتی کولتووری، گەشتیاری و پیشە دەستییەکانی ئێران دەرچووە.
سەعدوڵڵا عەزیزی گوتی: "هەڵپەڕکێ بە یەکێک لە دیارترین فەرهەنگ و هونەری خەڵکی بانە دادەنرێت و ئەم فێستیڤاڵەش وەک یەکێک لە رێوڕەسمە رەسەنەکانی کورد، توانایەکی بەرزی هەیە بۆ ناساندنی فەرهەنگی ناوخۆیی و راکێشانی گەشتیارانی ناوخۆیی و بیانی."
سەعدوڵڵا عەزیزی ئاماژەی بەوەشکرد، بڕیارە فێستیڤاڵی گوڵاویش لە بانە وەک بۆنەیەکی گەشتیاری ئێران تۆمار بکرێت.
بە گوتەی ئەو بەڕێوەبەرە، تاوەکو ئێستا 9 فێستیڤاڵ و جەژن و بۆنەی جیاوازی پارێزگای سنە وەک بۆنەیەی گەشتیاری و کولتووری لە ئێران تۆمارکراون.
فێستیڤاڵی هەڵپەڕکێی بانە ساڵانە لە مانگی پێنج بە بەشداری دەیان گرووپی هەڵپەڕکێی ئێران، رۆژهەڵاتی کوردستان و پارچەکانی دیکەی کوردستان بەڕێوەدەچێت و سێ رۆژ بەردەوام دەبێت. تاوەکو ئێستا شەش خولی فێستیڤاڵەکە بەڕێوەچووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ