ئێران
جێگری وەزیری رێگەوبان و شارسازیی ئێران: ئەو شوقە و خانووانە بەرگەی بوومەلەرزەی 4 بۆ 5 پلە ناگرن
رووداو دیجیتاڵ
جێگری وەزیری رێگەوبان و شارسازیی ئێران رایگەیاند، نزیکەی 19 ملیۆن کەس لە رۆژهەڵاتی کوردستان و ئێران لە شوقە و خانووی ناستاندارددا دەژین.
بە گوتەی عەبدولڕەزا گولپایگانی، جێگری وەزیری رێگەوبان و شارسازیی ئێران، بەشێکی ئەو خانوو و شوقانە لەنێو شارەکانن و بەشێکی دیکەیان لە ناوچەکانی قەراخ شارن.
جێگری وەزیری رێگەوبان و شارسازیی ئێران دەڵێت، ئەو خانوو و شوقانە خۆڕاگرییان لاوازە و لە ئەگەری روودانی بوومەلەرزەدا بە گوڕی 4 بۆ 5 پلەی رێختەر، دەڕووخێن.
سەبارەت بە نۆژەنکردنەوەی ئەو خانوو و شوقانە گولپایگانی ئەوەی خستەڕوو، بەپێی یاسا دەبێت ساڵانە 100 هەزار یەکەی نیشتەجێبوونی کۆن نۆژەن بکرێنەوە، بەڵام کەمتر لە 2%ی قەرزی بانکی دەدرێت، بۆیە نۆژەنکردنەوە بە تەواوی جێبەجێ ناکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ