رووداو دیجیتاڵ
ئاگرکوژێنەوەی تاران دەڵێ، لە کارگەیەکی دارتاشی لە شەقامی قودسی تاران، ئاگرێک کەوتووەتەوە.
رۆژی هەینی 06-02-2026 جەلال مالیکی، گوتەبێژی ئاگرکوژێنەوەی تاران رایگەیاند: "ئەمشەو دەوروبەری کاژێر 7:00 ئاگرێک لە کارگەیەکی دارتاشی لە شەقامی قودس کەوتەوە."
گوتەبێژەکە دەڵێ، ئاگرەکە لە بەشی فڕێدانی پاشماوەی کارگەکە کەوتووەتەوە و هیچ زیانێکی گیانی نەبووە و بەرگریی شارستانیش چووەتە شوێنەکە و ئاگرەکە کۆنترۆڵکراوە.
لە تۆڕی کۆمەڵایەتیی ئێکس وێنەی ئاگرەکە بڵاوکراوەتەوە.
وەک لە وێنە بڵاوکراوەکان دەردەکەوێ، دووکەڵێکی زۆر لە ناوچەیەکی قەرەباڵخ و جەنجاڵی تاران بەرز دەبێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ