رووداو-هەولێر
بەرەبەیانی ئەمڕۆ هەینی و لەکاژێر 02:17 خولەک بوومەلەرزەیەک بە گوڕی 5.9 پلەی ریختەر باکووری رۆژئاوای ئێرانی و پارێزگای ورمێی لە رۆژهەڵاتی کوردستان هەژاند.
تاوەکو ئیستا ئامارێکی ورد لەبارەی قوربانیانی بوومەلەرزەکە نییە بەڵام باس لە گیانلەدەستدانی پێنج کەس دەکرێت و نزیکەی 250 کەسیش برینداربوون.
ناوەندی بوومەلەرزەکە شارۆچکەی تەرکی میانە بووە لە پارێزگای ئازەربایجانی رۆژهەڵات و چەندین خانووی لە گوندی وەرنکش رووخاندووە. هەروەها بوومەلەرزەیەک بە گوڕی 4.8 پلەی ریختەر گەردکشانەی پیرانشاری لە رۆژهەڵاتی کوردستان هەژاندووە بەڵام تاوەکو ئێستا زیانەکانی نەزانراون.
تیمە تەندروستییەکان و تیمەکانی بەرگری شارستانی لەنێو گوندەکان بەردەوامن لە گەڕان بەنێو داروپەردووی خانووە رووخاوەکان.
پارێزگاری ئازەربایجانی رۆژئاواش دەڵێ، لە بوومەلەرزەکە 78 گوند زیانیان پێگەیشتووە و چوارسەد خانوو رووخاون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ