هەڵەیەک روویدا! دووبارە هەوڵبدە
رووداو دیجیتاڵ
لیژنەی سەرپەرشتیاری خۆپیشاندانی شیعەکان رایگەیاند، ئەمشەو یەکشەممە (یەکى ئادار) بە ئاراستەی باڵیۆزخانەی ئەمریکا لە بەغدا دەچن بۆ هەڵکەندنی، ئەوەش وەک ناڕەزایی دەربڕین بەرامبەر بە کوژرانى عەلى خامنەیی و جەنگى ئەمریکا و ئیسرائیل لە دژى ئێران.
ئەو پەیامەی لیژنەکە لە راگەیێنراوێکدا بوو کە ئێوارەی ئەمڕۆ یەکشەممە بڵاویکردووەتەوە، بۆ ئەنجامدانی خۆپیشاندان لە بەغدا بەرامبەر بە کوژرانی عەلی خامنەیی، رێبەری کۆماری ئیسلامی ئێران و دەربڕینی هاوخەمییان لەگەڵ ئەو وڵاتە.
لیژنەکە دەڵێت: "لەو خۆپیشاندانەدا لە پردی موعەلەقەوە بەڕێدەکەوین بۆ ئاراستەی باڵیۆزخانەی ئەمریکا بۆ ئەوەی لە ریشەی دەربێنین، ئەوەش سەرەتای کاردانەوەمانە لە دژی هێرش و پێشێلکردنی سەروەری و ئەوە کەمترین کارە کە بیکەین".
ئەو لیژنەیە کە نزیکە لە هێزە شیعەکانی نزیک لە کۆماری ئیسلامی ئێران، کاتژمێر 8:30 خولەکی ئەمشەوی دیاریکردووە بۆ دەستپێکردنی خۆپیشاندانەکە.
کۆماری ئیسلامی ئێران، ئەمریکا و ئیسرائیل بەرەبەیانی 1ی ئادار کوژرانی عەلی خامنەیییان پشتڕاستکردەوە کە لە هێرشێکدا لە 28ی شوبات لە تارانی پایتەخت کوژرا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ