رووداو دیجیتاڵ
جۆزێف عۆن، سەرۆکی لوبنان بە سەردانێکی فەرمی گەیشتە بەغدا.
نووسینگەی سەرۆکوەزیرانی عێراق بڵاویکردەوە، ئەمڕۆ یەکشەممە (یەکی حوزەیرانی 2025)، جۆزێف عەون، سەرۆککۆماری لوبنان گەیشتە بەغدا و لەلایەن محەممەد شیاع سوودانی، سەرۆکوەزیرانی عێراقەوە پێشوازی لێکرا.
سەردانەکەی عۆن بە بانگهێشتێکی فەرمیی لەتیف رەشید، سەرۆککۆماری عێراقە.
بڕیارە سەرۆکی لوبنان لە سەردانەکەیدا لەگەڵ هەریەک لە سەرۆککۆمار و سەرۆکوەزیرانی عێراق کۆببێتەوە.
لە کۆبوونەوەکاندا گفتوگۆ لەبارەی پەرەپێدانی زیاتری پەیوەندییەکانی نێوان هەردوو وڵات و دوا پێشهات و دۆخی ناوچەکە دەکرێت.
بەگوێرەی میدیای لوبنان، سەردانەکە یەک رۆژ دەخایەنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ