هەڵەیەک روویدا! دووبارە هەوڵبدە
رووداو دیجیتاڵ
لە موسەننا، دیالە و ئەنبار هێرشکراوەتە سەر چەند بنکەیەکى حەشدی شەعبی و کوژراو و بریندار هەیە.
ھێرشەکان بەرەبەیانى ئەمڕۆ چوارشەممە 4ى ئادار ئەنجامدراون ، یەکێک لە هێرشەکان کراوەتە سەر بنکەیەکی لیوای 45ی سەر بە کەتیبەکانى حیزبوڵای عێراقی لە خۆرئاوای پارێزگای ئەنبار.
هێرشێکی دیکە لە دەشتی سەماوە لە پارێزگای موسەننا ئەنجامدراوە، بەگوێرەی گرووپەکانی نزیک لە مقاوەمەی ئیسلامی لە عێراق، ئەو هێرشە کوژراو و برینداری لێکەوتووەتەوە.
یەکێک لە هێرشەکانی دیکە لە قەزای شارەبان لە سنووری پارێزگای دیالە ئەنجامدراوە.
لە دوو رۆژی رابردوودا چەند جارێک هێرشکراوەتە سەر بنکەکانی حەشدی شەعبی لە دیالە و ئەنبار کە سەر بە کەتائیبەکانی حیزبوڵا و عەسائیبی ئەهلی هەق بوون.
ئەو بۆردوومانە لەدوای ئەوە بوو کە گرووپی مقاوەمەی ئیسلامی لە عێراق، کە نزیکە لە کۆماری ئیسلامیی ئێران، رایگەیاند لە 3ی ئادار 27 هێرشیان لەدژی بنکەی نەیارانیان لە عێراق و ناوچەکە ئەنجامداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ