هەڵەیەک روویدا! دووبارە هەوڵبدە
رووداو دیجیتاڵ
لە شارى موسڵ، دوو خوشک بە هاوکارى کەسێک باوکیان لە خەودا بە کێبڵ دەکوژن و دواتر دەستگیر دەکرێن.
فەرماندەیی پۆلیسی نەینەوا لە راگەیێندراوێکدا ئاشکرایکرد، پیاوێک لە خانووەکەى خۆیدا لە ناوچەى رەشیدیەى شارى موسڵ بەکوژراوى دۆزراوەتەوە و دواى لێکۆڵینەوە دەرکەوتووە لەلایەن کچەکانیەوە کوژراوە.
پۆلیسی نەینەوا ئاماژەى بەوەشداوە، دوو لە کچەکانى ئەو پیاوە بە هاوکارى کەسێکى دیکە باوکیان کوشتووە و دەستگیرکراون.
بەگوێرەى راگەیێندراوەکە، ئەو سێ کەسە دانیان بەوەدا ناوە کە ئەو پیاوەیان لەکاتی خەودا بە کیسی نایلۆن و وایەرى کارەبا کوشتووە.
هەرسێ تۆمەتبارەکە بەگوێرەى مادەى 406ى یاسای سزادانى عێراق دەستگیرکراون، کە یەکێک لە بڕگەکانى تایبەتە بە تاوانى کوشتن لەلایەن کەسانێک کە لە ماڵباتى کوژراوەکە بن و سزاکەى لەسێدارەدانە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ