رووداو دیجیتاڵ
دەستەی دەستپاکیی عێراق رایگەیاند، توانیویانە زیاتر لە 17 ملیۆن دۆلار لە داهاتی گەندەڵی بگەڕێننەوە بۆ گەنجینەی دەوڵەت.
دەستەی دەستپاکیی عێراق، ئەمڕۆ دووشەممە، 8-12- 2025، لە راگەیێندراوێکدا بڵاویکردەوە، لە ماوەی رابردوودا 17,438,620 دۆلار (زیاتر لە 24 ملیار دینار)یان گەڕاندووەتەوە بۆ گەنجینەی دەوڵەت.
بەگوێرەی راگەیێندراوەکە، پرۆسەکە "لە رێگەی هاوئاهەنگی لەگەڵ لایەنە دادوەری و چاودێرییەکان و پەیوەندیکردن بە لایەنە نێودەوڵەتییە تایبەتمەندەکانەوە بووە."
دەستەکە ئاماژەی بەوەش کردووە، بۆ گەڕاندنەوەی پارە دزراوەکان و بەدواداچوونی داواکراوان، هاریکارییەکانیان لەگەڵ تۆڕە جیهانییەکانی جێبەجێکردنی یاسا و پۆلیسی نێودەوڵەتی (ئینتەرپۆل) فراوانتر کردووە.
چەندین سیستمی ئەلیکترۆنییان بۆ ئاڵوگۆڕی زانیاری لەگەڵ وەزارەتی دەرەوە، دەزگای هەواڵگریی نیشتمانی و بەڕێوەبەرایەتیی رەگەزنامە و پاسپۆرت کارا کردووە، ئەوەش بە ئامانجی "شوێنکەوتنی جووڵەی پارە گوماناوییەکان لە دەرەوەی عێراق و ئاسانکردنی رێکارەکانی هاریکاریی نێودەوڵەتی" لە دۆسیەکانی گەندەڵیدا".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ