هەڵەیەک روویدا! دووبارە هەوڵبدە
رووداو دیجیتاڵ
لە دوای دوو هەفتە لە راگرتنی، گەشتی شەمەندەفەری نێوان بەغدا و بەسرە لە هەفتەی داهاتووەوە دەستپێدەکاتەوە.
پێنجشەممە 9ی نیسانی 2026، مەیسەم سافی، گوتەبێژی وەزارەتی گواستنەوەی عێراق بە تۆڕی میدیاییی رووداوی راگەیاند: لە رۆژی یەکشەممەی داهاتووەوە (12ی نیسان) گەشتی شەمەندەفەر بۆ گەشتیاران لە هێڵی بەغدا – بەسرە دەستپێدەکاتەوە.
گەشتی ئەو هێڵەی شەمەندەفەری بەغدا بۆ بەسرە و بەپێچەوانەوە، لە 25ی ئادارەوە بە پاساوی ناهەمواری کەشوهەوا داخرابوو.
مەیسەم سافی رایگەیاند: گەشتەکە لە وێستگەی بەغداوە کاژێر 7:00ی شەو دەستپێدەکات و کاژێر 7:30ی هەمان شەو شەمەندەفەر لە وێستگەی بەسرە بەرەو بەغدا بەڕێدەکەوێت.
عێراق 14 شەمەندەفەری هەیە کە لە نێوان پارێزگاکانی ناوەڕاست و باشووری عێراق گەشتیاران دەگوازنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ