هەڵەیەک روویدا! دووبارە هەوڵبدە
رووداو دیجیتاڵ
داهاتی گواستنەوەی دەریایی عێراق لە ماوەی دوو ساڵدا 37% زیادی کردووە و گەیشتووەتە 239 ملیار دینار.
پێنجشەممە، 11ی ئەیلوولی 2025، مەیسەم سافی، گوتەبێژی وەزارەتی گواستنەوەی عێراق بە تۆڕی میدیایی رووداوی راگەیاند: "داهاتی گواستنەوەی دەریایی عێراق بۆ ساڵی 2024 گەیشتووەتە 239 ملیار و 263 ملیۆن و 888 هەزار دینار، لە کاتێکدا لە ساڵی 2022دا بڕی ئەو داهاتە 174 ملیار و 450 ملیۆن و 363 هەزار دینار بووە."
بەو گوێرەی ئەو دوو داهاتە، زیادبوونەکە لە ماوەی دوو ساڵدا 37% بووە.
مەیسەم سافی رایگەیاند: داهاتی گواستنەوەی دەریایی لە ساڵی 2023دا 216 ملیار و 951 ملیۆن و 924 هەزار دینار بووە، ئەو داهاتە لە 2024 بەراورد بە ساڵانی بەر لە 2022 زیاتر لە 50% زیادی کردووە.
بە گوێرەی ئامارەکانی بەڕێوەبەرایەتی گشتیی بەندەرەکان، عێراق شەش کەشتى هەیە کە چواریان بازرگانین و دووەکەى دیکەیان بۆ گواستنەوەی وزەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ