هەڵەیەک روویدا! دووبارە هەوڵبدە
رووداو دیجیتاڵ
دوای ئەوەی دادگەی باڵای تاوانەکانی عێراق سزای لەسێدارەدانی بۆ عەجاج تکریتی، ناسراو بە جەلادەکەی نوگرەسەلمان دەرکرد، پارێزەرێکی دۆسییەکە ئەو قۆناخ و رێکارە یاساییانە ئاشکرا دەکات کە پێویستن تاوەکو سزاکە جێبەجێ بکرێت.
رۆژی پێنجشەممە، 14ـی ئایاری 2026، ئەیاد کاکەیی، پارێزەری ئەنفالکراوان لە دۆسیەی (عەجاج)، بە تۆڕی میدیایی رووداوی راگەیاند: "دادگا گەیشتە ئەو بڕوایەی کە ئەوەی عەجاج تکریتی کردوویەتی جینۆساید و تاوانی دژی مرۆڤایەتییە، بۆیە بڕیاری لەسێدارەدانی بۆ دەرچوو. بەپێی ئەو بەڵگە حاشاهەڵنەگرانەی لەبەردەستدان، تەنانەت لە دادگەی پێداچوونەوەشدا (تەمیز) هیچ گۆڕانکارییەک بەسەر بڕیارەکەدا نایەت، چونکە تەنانەت پارێزەرەکەی خۆشی هەندێک بەڵگەی پێشکێش کرد، کە تاوانەکانی دەسەلماند."
ئەیاد کاکەیی رێکارە یاساییەکانی دوای ئەم بڕیارەی بۆ رووداو خستەڕوو:
- سەرەتا بڕیارەکە دەنێردرێت بۆ دادگەی پێداچوونەوە و لەوێ دەستەیەک بڕیارەکە پەسند دەکەن.
- دواتر دەنێردرێتە سەرۆکایەتیی کۆمار بۆ دەرکردنی "مەرسوومی کۆماری" واژۆی سەرۆککۆمار.
- پاشان وەزارەتی داد و ناوخۆ دەبێت لە ماوەی 30 رۆژدا بڕیارەکە جێبەجێ بکەن.
ئەو پارێزەرە ئاماژەی بەوەش کرد، لە کاتی جێبەجێکردنی سزاکەدا، دەبێت نوێنەرانی وەزارەتی ناوخۆ و داد، لەگەڵ مامۆستایەکی ئایینی ئامادەبن، تاوەکو وەسیەتی لێ وەربگرن و دواتر سزاکە بخوێنەوە و جێبەجێ بکرێت.
عەجاج تکریتی، کە لە 31ـی تەممووزی 2025 دەستگیرکرا، یەکێکە لەو ناوانەی لە مێژووی ئەنفال دا بە "دڕندەیی" بەرامبەر بە کوردانی زیندانیکراو لە قەڵای نوگرە سەلمان ناوی دەهێنرێت.
پێشتر لە 7ـی ئەم مانگەدا، 26 شایەتحاڵ و کەسوکاری ئەنفالکراوان لە بەردەم دادوەر سوێندی یاساییان خوارد و وردەکاریی ئەو تاوانانەیان گێڕایەوە کە لە نوگرە سەلمان بەرامبەریان کراوە.
![تۆم باراک [لای چەپ] و عەلی زەیدی.](https://www.rudaw.net/s3/rudaw.net/ContentFiles/958361Image1.jpg?mode=crop&quality=70&rand=1&scale=both&w=362&h=226&version=8777431 "تۆم باراک [لای چەپ] و عەلی زەیدی.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ