رووداو دیجیتاڵ
محەممەد شیاع سوودانی، سەرۆکوەزیرانی عێراق گرێبەست و راسپاردنی 12 راوێژکاری نووسینگەی سەرۆکوەزیرانی هەڵوەشاندەوە.
بەپێی نووسراوێک کە رۆژی 14-11-2022 لە نووسینگەی سەرۆکوەزیرانی عێراق دەرچووە و وێنەیەکی دەست تۆڕی میدیایی رووداو کەوتووە، لەسەر بڕیاری محەممەد شیاع سوودانی، گرێبەستی کارەکانی ئەم ناوانەی خوارەوە وەک راوێژکار لە نووسینگەی سەرۆکی ئەنجوومەنی وەزیرانی کۆتاییهاتووە کە بریتین لە:
1- حەسەن سەوادی ئەبوو تەبیخ
2- سەفا سەباح ناسر
3- عەبدولحەلیم جەواد کازم
4- مونقیز محەممەد مەحموود
5- حەیدەر فازڵ مستەفا
6- تاڵیب جەبار مەتەر
7- هەیسەم مەجید محەممەد عەلی
8- عەبدولحوسێن هەنین عەباس ( لەسەر داواکاریی خۆی)
9- عەلی بەدر حوسێن
10- رەشید ئەحمەد رەشید
11- د. هەیسەم رەمەزان عەبد عەلی
12- محەممەد عەبدولسادە قەبتان
لە کۆبوونەوەی رۆژی سێشەممە، 01-11-2022ـی ئەنجوومەنی وەزیرانی عێراقدا بە سەرۆکایەتیی محەممەد شیاع سوودانی بڕیاردرا سەرجەم ئەو بڕیارانە هەڵبوەشێندرێنەوە کە لەسەردەمی حکومەتی کاربەڕێکەری مستەفا کازمی دەرکرابوون.
لە 8-10-2021 بەدواوە مستەفا کازمی وەک سەرۆکوەزیرانی کاربەڕێکەر کاروباری حکومەتی بەڕێوەبرد و کۆمەڵێک بڕیاری دەرکردن؛ لەوانە، دامەرزاندنی کۆمەڵێک کەس لە پۆستە باڵاکان و لەسەر ئەم بنچینەیە دامەزراندنیان هەڵدەوشێتەوە.
رۆژی 27ـی تشرینى یەکەمى 2022، پەرلەمانى عێراق بە ئامادەبوونى 253 پەرلەمانتار کۆبووەوە بۆ دەنگدان بە کابینەى نوێى حکومەت بە سەرۆکایەتیى محەممەد شیاع سوودانى و کارنامەى حکومەتەکەى. لە کۆبوونەوەکەدا 21 بەربژێرى وەزارەتەکان پەسند کران، بەڵام یەکلاکردنەوەى هەردوو وەزارەتى ژینگە، ئاوەدانکردنەوە و نیشتەجێکردن دواخرا کە لە پشکى کوردن و تاوەکو ئێستا یەکێتى و پارتى لە سەریان رێکنەکەوتوون.
رۆژی 28-10-2022، دوای یەک رۆژ لە وەرگرتنی متمانەی پەرلەمانی عێراق، محەممەد شیاع سوودانی سەرپەرشتیی یەکەم کۆبوونەوەی کابینەکەی کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ