رووداو دیجیتاڵ
بازاڕی کۆفرۆشانی بەغدا ئاگری گرتووە، دەیان دووکان و کۆگا سووتاون و تائێستاش ئاگرەکە کۆنترۆڵ نەکراوە.
زیاد ئیسماعیل، پەیامنێری رووداو لە بەغدا گوتی لە بازاڕەکەدا کە تایبەتە بە کۆفرۆشان، پلاستیک و جلوبەرگ دەفرۆشرێت.
دوو کاژێرە ئاگرەکە بەردەوامە، پەیامنێرەکەی رووداو دەڵێ "ژمارەیەکی زۆر تیمی بەرگریی شارستانی لە شوێنی رووداوەکەن و لە هەوڵدان بۆ کۆنتڕۆڵکردنی دۆخەکە."
ئەو شاهێدحاڵانەی قسەیان بۆ پەیامنێری رووداو کردووە، ئاماژە بەوە دەکەن "ئاگرەکە لە ئەنجامی شۆرتی کارەباوە دروست بووە."
وەکو پەیامنێری رووداو لە بەغدا باسی دەکات، دەیان دووکان و کۆگا لە بازاڕەکە ئاگریان گرتووە و زیاتر لە دوو کاژێرە ئاگرەکە بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ