هەڵەیەک روویدا! دووبارە هەوڵبدە
رووداو دیجیتاڵ
محەممەد شیاع سوودانى رایگەیاند، هیچ جێگرەوەیەک بۆ رێچکەى دەستوور نییە و گەڕانەوە نییە بۆ دواوە و هێشتا کاری زۆریان لە پێشە بۆ چەسپاندنی پایەکانی دیموکراسی.
ئەو گوتانەى سەرۆکوەزیرانى عێراق لە ئاهەنگى رۆژى جیهانیى دیموکراسی بوو کە لە سێشەممە 16ى ئەیلوولى 2025، لە بەغدا سازکرا و روانگەى عێراقى بۆ چاودێرى دیموکراسى رێکى خستبوو.
محەممەد شیاع سوودانى گوتى، "عێراقى نوێ بەرەو پێشەوە هەنگاوی ناوە و گەڕانەوە نییە بۆ دواوە، عێراق نموونەیەکی ناوازەی دیموکراسییە کە بە ئیرادەی عێراقییەکان جێگیر بووە و هێشتا کاری زۆرمان لە پێشە بۆ چەسپاندنی پایەکانی دیموکراسی".
سەرۆکوەزیرانى عێراق رایگەیاند: هەڵبژاردن میکانیزمى سەرەکیى سیستمى دیموکراسییە و لە کاتى خۆیدا ئەنجام دەدرێت و پاڵپشتیى تەواویان کردووە.
11ـی تشرینى دووەمى 2025، دیاریکراوە بۆ ئەنجامدانى هەڵبژاردنى خولى داهاتووى پەرلەمانى عێراق.
سوودانى رایگەیاند، هیچ جێگرەوەیەک بۆ رێچکەى دەستوور نییە و گەڕانەوە نییە بۆ دواوە، دەستبەردابوون لە دەنگى هەڵبژاردن بە مانای هاتنی جێگرەوەیەکی گەندەڵە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ