هەڵەیەک روویدا! دووبارە هەوڵبدە
رووداو دیجیتاڵ
کوڕێک لە شارى بەسرە دایک و باوکى دەکوژێت و هەڵدێت. پۆلیسى شارەکە دەڵێت، "رووداوەکە بەهۆى کێشەى خێزانییەوە بووە."
ئەو رووداوە بەیانیى ئەمڕۆ دووشەممە 17ى شوباتى 2025 لە ناوچەى حەیانییەى سەر بە پارێزگاى بەسرە روویداوە.
عەقید عەزیز هاشم، بەڕێوەبەرى راگەیاندنى پۆلیسی بەسرە بە تۆڕى میدیایی رووداوى راگەیاند، "ئەو کوڕە دەستڕێژى لە دایک و باوکى کردووە و کوشتوونى، دواتر هەڵاتووە، ئێستا هێزە ئەمنییەکان بەدوایدا دەگەڕێن بۆئەوەى دەستگیرى بکەن."
بەڕێوەبەرى راگەیاندنى پۆلیسی بەسرە گوتى، "بەپێى زانیارییە سەرەتاییەکان، کوشتنەکە بەهۆى کێشەى خێزانییەوە بووە لەنێوان ئەو کوڕە و دایک و باوکى، بەڵام دواى دەستگیرکردنى تۆمەتبارەکە زانیارییەکان روونتر دەبنەوە."
بەگوێرەى ئامارەکانى وەزارەتى ناوخۆى عێراق، پار تاوانى کوشتن 29% بەراورد بە ساڵى 2023 کەمی کردووە.
یاساى سزادانى عێراق، سزاى کوشتنى ئەنقەستى دیاریکردووە، کە بەگوێرەى دۆخى تاوانەکە، سزاکەى لەنێوان لەسێدارەدان بۆ سزاى بەندکردنى تاهەتایی دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ