سوودانی پێشوازی لە ئەردۆغان دەکات
رووداو دیجیتاڵ
محەممەد شیاع سوودانی، سەرۆکوەزیرانی عێراق لە فڕۆکەخانەی نێودەوڵەتیی بەغدا پێشوازی لە رەجەب تەیب ئەردۆغان، سەرۆککۆماری تورکیا کرد.
نووسینگەی سەرۆکوەزیرانی عێراق رایگەیاند "سوودانی و ئەردۆغان گفتوگۆی دووقۆڵیی فەرمی دەکەن و گفتوگۆی فراوان لەسەر ئاستی حکومی و وەزاری دەکرێت."
سەبارەت بە بابەتەکانی گفتوگۆی سەرۆکوەزیرانی عێراق و سەرۆککۆماری تورکیا، نووسینگەی سەرۆکوەزیران رایگەیاند "دۆسییەکانی ئاو، ئابووری، ئاساییش، پڕۆژەی رێگەی گەشە و پەرەسەندنە هەرێمییەکان تاوتوێ دەکرێن."
نووسینگەی سەرۆکوەزیرانی عێراق هەروەها رایگەیاند "رێککەوتنێکی دووقۆڵی ستراتیژی واژۆدەکرێت بۆ فراوانکردنی هاوبەشی لە بواری ئابووری، بازرگانی، ئاڵۆگۆڕی ئەزموون و رووبەڕووبوونەوەی ئاڵنگارییە ژینگەیی و هەرێمییە هاوبەشەکان."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ