کۆبوونەوەی مەسرور بارزانی لەگەڵ فایەق زێدان
رووداو دیجیتاڵ
سەرۆکی حکومەتی هەرێمی کوردستان لەگەڵ سەرۆکی ئەنجوومەنی باڵای دادوەریی عێراق کۆبووەوە. لە کۆبوونەوەکەدا جەخت لە پێویستیی رێزگرتن لە دەستوور و پاراستنی مافە دەستوورییەکانی خەڵکی کوردستان کرایەوە.
ئێوارەی رۆژی شەممە، 23ی ئایاری 2026، لە درێژەی کۆبوونەوە و دیدارە فەرمییەکانیدا لە بەغدا، مەسرور بارزانی، سەرۆکی حکومەتی هەرێمی کوردستان لەگەڵ فایق زێدان، سەرۆکی ئەنجوومەنی باڵای دادوەریی عێراق کۆبووەوە.
بەپێی راگەیێندراوێکی حکومەت، لە دیدارەکەدا بارودۆخی سیاسی و گشتیی عێراق تاوتوێ کرا و هاوکات جەخت لە رۆڵی گرنگ و سەربەخۆیی دەسەڵاتی دادوەریی عێراق کرایەوە، بە ئامانجی پاراستنی ئاسایش و سەقامگیریی سیاسی لە وڵاتدا.
لە بەشێکی دیکەی کۆبوونەوەکەدا، سەرۆکی حکومەتی هەرێمی کوردستان و سەرۆکی ئەنجوومەنی باڵای دادوەریی عێراق هاوڕابوون لەسەر پێویستیی رێزگرتن لە بنەماکانی دەستوور، چەسپاندنی سیستمی فیدراڵی و پاراستنی سەرجەم مافە دەستوورییەکانی خەڵکی هەرێمی کوردستان و گشت پێکهاتە جیاوازەکانی عێراق.
دەقی راگەیێندراوەکە:
ئێوارەی ئهمڕۆ شەممە، 5/23، لە درێژەی کۆبوونەوەکانیدا لە بەغدا، مەسرور بارزانی سەرۆکی حکومەتی هەرێمی کوردستان، لهگهڵ دادوەر فایەق زێدان، سەرۆکی ئەنجوومەنی باڵای دادوەریی عێراق کۆبووەوە.
لە دیدارەکەدا، بارودۆخی سیاسیی و گشتیی عێراق تاوتوێ کرا و جەخت لە رۆڵی گرنگ و سەربەخۆیی دەسەڵاتی دادوەریی عێراق کرایەوە لەپێناو پاراستنی ئاسایش و سەقامگیریی سیاسیی لە عێراقدا.
لە بەشێکی دیکەی دیدارەکەدا، هەردوولا هاوڕابوون لەسەر پێویستیی رێزگرتن لە دەستوور و سیستمی فیدراڵی و پاراستنی مافە دەستوورییەکانی خەڵکی کوردستان و گشت پێکهاتەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ