رووداو دیجیتاڵ
محەممەد شیاع سوودانی، سەرۆکوەزیرانی عێراق، بڕیاری دا دەوامی فەرمی بۆ قوتابییان و خوێندکاران لە سەرجەم ناوەندەکانی خوێندن لە رۆژانی چوارشەممە و پێنجشەممە رابگیرێت.
بەگوێرەی راگەیێندراوێکی سکرتارییەتی گشتیی ئەنجوومەنی وەزیرانی عێراق، سەرۆکوەزیرانی عێراق رێنمایی داوە، رۆژانی چوارشەممە و پێنجشەممەی ئەم هەفتەیە، لە تەواوی قوتابخانە، زانکۆ و پەیمانگەکان بکرێتە پشووی فەرمی. بڕیارەکەش بەهۆی خراپی و نالەباریی کەشوهەواوە لە وڵاتدا دراوە.
پێشتر ئەحمەد ئەسەدی، وەزیری پەروەردەی عێراق بە وەکالەت، داوای لە سەرجەم بەڕێوەبەرایەتییە گشتییەکانی پەروەردە لە پارێزگاکان کرد چوارشەممە و پێنجشەممە بکەنە پشوو.
کەریم سەید، گوتەبێژی وەزارەتی پەروەردەی عێراق، رایگەیاند: "وەزیر جەختی لە پاراستنی سەلامەتیی قوتابیان کردەوە بەهۆی ئەو شەپۆلە باران و کەشوهەوا نالەبارەی رووی لە ناوچەکە کردووە، بۆیە هەردوو رۆژی چوارشەممە و پێنجشەممە دەوام رادەگیرێت."
گوتەبێژی وەزارەتی پەروەردەی عێراق ئاماژەی بەوەشکرد، بۆ قەرەبووکردنەوەی ئەم پشووە و تەواوکردنی پڕۆگرامی خوێندن، رۆژانی شەممەی داهاتوو لە ناوەندەکانی خوێندندا دەکرێتە دەوامی فەرمی.
ئەوە لەکاتێکدایە لە هەرێمی کوردستان تاوەکو 29ی ئەم مانگە کراوەتە پشووی فەرمیی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ