هەڵەیەک روویدا! دووبارە هەوڵبدە
رێوڕەسمی چلەی ئیمام حوسێن لە کەربەلا.
رووداو دیجیتاڵ
ئەم ساڵ رێوڕەسمەکانی شیعە جیاوازبوون لە ساڵانی رابردوو، هەر لە جۆری لەخۆدانەوە بگرە، تا نوحە خوێندن، کە قەسیدە و ئاوازی خەمبار لەخۆ دەگرێت.
لە نێوخۆی شیعەکان زۆر رەخنە لەو گۆڕانکارییانە دەگیرێت، ئەوەی کە نوحە خوێندن دەبێت حەزین و خەمبار بێت، نەوەک دیجیەی و پۆپ، لەسەر ئاستی رێکخەرانی رێوڕەسم و لێڤەگەڕی شیعی دڵگرانییەک هەیە لەو شتە نوێیانە.
وەکو لە ڤیدیۆکەدا دەردەکەوێت، گۆرانیی دەنگ بەرز و تێکەڵ بە میوزیکی راپ و بیانی، گەرما و ماندووبوونی لەبیربردوونەتەوە.
یەکێک لەو 13 هەزار کەژاوەیەی کە بۆ چلەی ئیمام حوسێن و عەباسی برای هاتوونەتە کەربەلا چەندین سەماعەی گەورەیان داناوە و تا دەنگی گۆرانییەکانیان بەرز تر بێت، ئازاری زیاتر بە خۆیان دەگەیەنن.
حەسەنین عوێد خەڵکی پارێزگای میسانە و دەڵێت: "ئێمە گوێ لە هەموو شعر و گۆرانییەک دەگرین بەمەرجێک نێوەڕۆکەکەی ئەدەبی تێدا بێت و لەسەر حوسێن بێت، بەڵام وەکو دەزانرێت ئێستا دژایەتیمان دەکرێت و پێمان دەڵێن ئێوە لە رێگاکە دەرچوونە و بوختانمان پێ دەکەن، کەچی ئێمە لەو شتانە دوورین و پرسەی ئێمە بۆ حوسێنە و پرسەی هەموومان یەکە."
بۆ چلەی ئەم ساڵی ئیمام حوسێن، دەیان سروود و گۆران تۆمارکراون کە بەشێکی زۆریان ئاوازی پۆپ و بیانیی تێکەڵ کراوە .
ئەگەر چی هەردوو عەتەبەی حوسێنی و عەباسی بەکارهێنانی ئەو جۆرە گۆرانییانەیان قەدەخەکردووە، هێشتا لە شینگێڕان بەکاردەهێنرێن.
عەلی بەدری بەرپرسی راگەیاندنی عەتەبەی عەباسی دەڵێت: "ئەو کەژاوانەی پابەند نابن بەو رێکارانەی کە لەلایەن بەشی کەژاوەکانەوە سەپێنراوە، باجەکانیان لێ وەردەگیرێتەوە و رێگای چوونە ژوورەوەیان پێ نادرێت، دەبێت بەو رێگایە دۆخەکە کۆنترۆڵ بکەین و رێنمایی گشتی هەیە و دەبێت پێوەی پابەند بین کە لەلایەن لێڤەگەری ئایینی و ئیداری بۆ رێکخستنی چوونە ژوورەوە بەبێ بێزارکردنی زیارەتکاران لەناو حەڕەم، دەرکراون."
13 هەزار کەژاوەی شینگێڕان، بۆ بەشداریکردن لە چلەی ئیمام حوسێن و عەباسی برای، بەپێ و شینگێڕان و لەخۆدان، چوونەتە کەربەلا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ