رووداو دیجیتاڵ
بەشێكی ئەو کارمەندانەی باڵیۆزخانەی ئەمریکا لە بەغدا کە بەهۆی نیگەرانییە ئەمنییەکانی جەنگی ئیسرائیل و ئێرانەوە کشێنرابوونەوە، گەڕانەوە سەر کارەکەیان.
تۆمارێکی ڤیدیۆیی رۆژی شەممە نیشانی دەدات، دوو هێلیکۆپتەر لە باڵیۆزخانەی ئەمریکا لە ناوچەی سەوزی نێوەڕاستی بەغدا دەنیشنەوە و ژمارەیەک کارمەند دادەبەزن.
12ی حوزەیران، واتە رۆژێک پێش دەستپێکردنی جەنگی 12 رۆژەی نێوان ئیسرائیل و ئێران، وەزارەتی دەرەوەی ئەمریکا فەرمانی بە کشاندنەوەی کارمەندە ناسەرەکییەکانی لە باڵیۆزخانەکەی لە بەغدا و کۆنسووڵخانەکەی لە هەولێر کرد.
ڤیدیۆ.. بەشێکی ستافی باڵیۆزخانەی ئەمریکا لە بەغدا دوای کشانەوەیەکی کاتی، بە هێلیکۆپتەر گەڕانەوە.https://t.co/wIkieR1RjS pic.twitter.com/rovy1ADlcS
— Rudaw (@Rudawkurdish) June 29, 2025
بەرپرسێکی ئەمریکا پشتڕاستی کردەوە کە دوای ئەوەش، ژمارەیەکی زیاتری کارمەندەکانیان لە 21 و 22ی حوزەیران کشاندەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ