رووداو دیجیتاڵ
قەیس محەممەداوی، جێگری فەرماندەی ئۆپەراسیۆنە هاوبەشەکانی عێراق دەڵێت، سنوورەکانی وڵاتەکەی لەگەڵ سووریا بەتەواوەتی داخراون.
ئەو بڕیارە بە فەرمانی محەممەد شیاع سوودانی، سەرۆکوەزیران و فەرماندەی گشتیی هێزە چەکدارەکانی عێراقە. ئەمەش دوای فراوانبوونی گرژییەکانی سووریا دوای ئەوەی هێزەکانی دەستەی تەحریری شام هێرشیان کردەسەر شاری حەلەب.
قەیس محەممەداوی، جێگری فەرماندەی ئۆپەراسیۆنەکانی عێراق دەڵێت: "هێزە ئەمنییەکان دەتوانن عێراق بپارێزن و بۆ هەموو ئاڵنگارییەک ئامادەن".
دەشڵێت، "فەرماندەی ئۆپەراسیۆنەکان بە فەرمانی فەرماندەی گشتیی هێزە چەکدارەکان، پابەندی پاراستنی عێراقن"
ئەمە لەکاتێکدایە دەستەی تەحریری شام و هاوپەیمانەکانی، رۆژی چوارشەممە 27-11-2024، دەستیان بە هێرشێکی کتوپڕ کرد بۆ سەر شاری حەلەب و لە ئێستادا بەشێکی زۆری پارێزگاکەیان کۆنتڕۆلکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ