رووداو دیجیتاڵ
وەزارەتی ناوخۆی عێراق هەواڵی روودانی تەقینەوەیەک لە نزیک فڕۆکەخانەی نێودەوڵەتیی بەغدا رەتدەکاتەوە.
بەرەبەیانی ئەمڕۆ یەکشەممە 31ی ئابی 2025 لە راگەیێندراوێکدا وەزارەتی ناوخۆی عێراق رایگەیاند، "بە تووندی ئەو هەواڵانە رەتدەکەینەوە کە لەلایەن هەندێک دەزگای راگەیاندن و تۆڕە کۆمەڵایەتییەکانەوە بڵاوکراونەتەوە سەبارەت بە روودانی تەقینەوەیەک لە نزیک فڕۆکەخانەی بەغدا."
وەزارەتی ناوخۆ ئاماژەی بە دۆخی ئەمنیی بەغدا کردووە و دەڵێت، "دۆخی ئەمنی لە پایتەخت ئارام و جێگیرە، هیچ رووداوێکی لەم جۆرە تۆمار نەکراوە. ئەم هەواڵانە بە تەواوی دوورن لە راستییەوە و ئامانجیان وروژاندنی پشێوی و دڵەڕاوکێیە لەنێو هاووڵاتییاندا."
وەزارەتی ناوخۆ داوا لە هەمووان دەکات شوێن پڕوپاگەندەکان نەکەون، تەنیا پشت بە راگەیێندراوی لایەنی فەرمی ببەستن وەکو تاکە سەرچاوەی زانیاریی ئەمنی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ