رووداو دیجیتاڵ
لە سەرەتای دەستپێکردنی شەڕی حەلەبەوە، زیاتر لە 300 هاونیشتمانیی کورد لە لایەن حکومەتی دیمەشقەوە دەستگیرکراون، ئەمە بە گوتەی سەرچاوەیەکی وەزارەتی ناوخۆی سووریا کە قسەی بۆ ئاژانسی هەواڵی فرانس پرێس کردووە.
بە گوتەی ئەو بەرپرسە، ئەوانەی دەستگیرکراون شەڕڤان و ئەندامانی ئاسایشی ناوخۆی سەر بە بەڕێوەبەرایەتیی خۆسەرن، کە دوو گەڕەکە کوردنشینەکەیان دەپاراست.
سەرچاوەکە هەروەها باسی لەوە کردووە، 400 شەڕڤانی کورد لە گەڕەکە کوردنشینەکانی شێخ مەقسوود و ئەشرەفییەوە گوێزراونەتەوە ناوچەکانی بەڕێوەبەرایەتیی خۆسەر.
ئەو بەرپرسە، کە نەیویستووە ناوی خۆی ئاشکرا بکات، بە فرانس پرێسی گوتووە، "360 شەڕڤانی کورد، لەگەڵ 59 بریندار" لە گەڕەکی شێخ مەقسوودەوە گوێزراونەتەوە بۆ ناوچەکانی بەڕێوەبەرایەتیی خۆسەر.
هێزەکانی ئاسایشی گەڕەکە کوردنشینەکانی شێخ مەقسوود و ئەشرەفییە دەڵێن، تاکە هۆکاری رازیبوونیان بە ئاگربەست و کشانەوە، رزگارکردنی ئەو نەخۆشانە بووە کە لە نەخۆشخانەی خالید فەجر گیریان خواردبوو.
بە گوتەی ئاسایش، هێزەکانی حکومەت و درۆنی تورکیا بە چەکی قورس بۆردوومانی نەخۆشخانەکەیان دەکرد، بۆیە بۆ رێگری لە کۆمەڵکوژی، ناچار بوون ناوچەکە چۆڵ بکەن.
دۆخی خەڵک خراپە
• قوربانیان: زیاتر لە 30 کەس گیانیان لەدەستداوە کە ژن و منداڵیشیان تێدایە.
• ئاوارەبوون: پارێزگاری حەلەب دەڵێت 155 هەزار کەس ماڵەکانیان جێهێشتووە.
• خێزانەکان لێک دابڕاون: ژنێک بە ناوی (ناهید) دەڵێت خۆی لە دەرەوەیە و سێ منداڵەکەی لە ناوەوەی گەڕەکەکان گیریان خواردووە و ناتوانێت دەریان بهێنێت.
بەڕێوەبەرایەتیی خۆسەر دەڵێت، ئەم شەڕە پلانێکی تورکیا و گرووپە چەکدارەکان بووە بۆ ئەوەی کورد لە حەلەب دەربکەن و شوێنەکەیان بە خەڵکی دیکە پڕ بکەنەوە. هەروەها گرووپە چەکدارەکان تۆمەتبار دەکەن بەوەی تەرمی کوژراوەکانیان شێواندووە.
شەڕەکە لە دوای ئەوە دروست بوو کە دانوستاندنەکانی نێوان کورد و حکومەتی نوێی سووریا شکستی هێنا. بڕیار بوو بەپێی رێککەوتنێک هێزەکان تێکەڵ بکرێن، بەڵام حکومەت مەرجەکانی کوردی بۆ "خۆبەڕێوەبەری" رەتکردەوە. ئێستا ئەمەریکا هەوڵ دەدات هەردوولا ئاشت بکاتەوە و دۆخەکە هێور بکاتەوە.
لە سەرەتای دەستپێکردنی شەڕی حەلەبەوە، زیاتر لە 300 هاونیشتمانیی کورد لە لایەن حکومەتی دیمەشقەوە دەستگیرکراون، ئەمە بە گوتەی سەرچاوەیەکی وەزارەتی ناوخۆی سووریا کە قسەی بۆ ئاژانسی هەواڵی فرانس پرێس کردووە.
بە گوتەی ئەو بەرپرسە، ئەوانەی دەستگیرکراون شەڕڤان و ئەندامانی ئاسایشی ناوخۆی سەر بە بەڕێوەبەرایەتیی خۆسەرن، کە دوو گەڕەکە کوردنشینەکەیان دەپاراست.
سەرچاوەکە هەروەها باسی لەوە کردووە، 400 شەڕڤانی کورد لە گەڕەکە کوردنشینەکانی شێخ مەقسوود و ئەشرەفییەوە گوێزراونەتەوە ناوچەکانی بەڕێوەبەرایەتیی خۆسەر.
ئەو بەرپرسە، کە نەیویستووە ناوی خۆی ئاشکرا بکات، بە فرانس پرێسی گوتووە، "360 شەڕڤانی کورد، لەگەڵ 59 بریندار" لە گەڕەکی شێخ مەقسوودەوە گوێزراونەتەوە بۆ ناوچەکانی بەڕێوەبەرایەتیی خۆسەر.
هێزەکانی ئاسایشی گەڕەکە کوردنشینەکانی شێخ مەقسوود و ئەشرەفییە دەڵێن، تاکە هۆکاری رازیبوونیان بە ئاگربەست و کشانەوە، رزگارکردنی ئەو نەخۆشانە بووە کە لە نەخۆشخانەی خالید فەجر گیریان خواردبوو.
بە گوتەی ئاسایش، هێزەکانی حکومەت و درۆنی تورکیا بە چەکی قورس بۆردوومانی نەخۆشخانەکەیان دەکرد، بۆیە بۆ رێگری لە کۆمەڵکوژی، ناچار بوون ناوچەکە چۆڵ بکەن.
دۆخی خەڵک خراپە
• قوربانیان: زیاتر لە 30 کەس گیانیان لەدەستداوە کە ژن و منداڵیشیان تێدایە.
• ئاوارەبوون: پارێزگاری حەلەب دەڵێت 155 هەزار کەس ماڵەکانیان جێهێشتووە.
• خێزانەکان لێک دابڕاون: ژنێک بە ناوی (ناهید) دەڵێت خۆی لە دەرەوەیە و سێ منداڵەکەی لە ناوەوەی گەڕەکەکان گیریان خواردووە و ناتوانێت دەریان بهێنێت.
بەڕێوەبەرایەتیی خۆسەر دەڵێت، ئەم شەڕە پلانێکی تورکیا و گرووپە چەکدارەکان بووە بۆ ئەوەی کورد لە حەلەب دەربکەن و شوێنەکەیان بە خەڵکی دیکە پڕ بکەنەوە. هەروەها گرووپە چەکدارەکان تۆمەتبار دەکەن بەوەی تەرمی کوژراوەکانیان شێواندووە.
شەڕەکە لە دوای ئەوە دروست بوو کە دانوستاندنەکانی نێوان کورد و حکومەتی نوێی سووریا شکستی هێنا. بڕیار بوو بەپێی رێککەوتنێک هێزەکان تێکەڵ بکرێن، بەڵام حکومەت مەرجەکانی کوردی بۆ "خۆبەڕێوەبەری" رەتکردەوە. ئێستا ئەمەریکا هەوڵ دەدات هەردوولا ئاشت بکاتەوە و دۆخەکە هێور بکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ