سەرەڕای بارینی بەفرێکی زۆر و هاتنی جەژنەکانی نەورۆز و رەمەزان، بەڵام ناوچە گەشتیارییەکانی هەولێر و شەقڵاوە چۆڵن. بەڕێوەبەری گەشتوگوزاری شەقڵاوە دەڵێت، بەهۆی مەترسییەکانی شەڕی ناوچەکەوە، رێژەی گەشتیاران 75% کەمیکردووە.
"بگەڕێوە" (ئیرجەع)، ئەمە ئەو وشەیەیە رۆژانە لە بازگەکانی حکومەتی عێراق لە مەخموور بە گوێی ئەو هاونیشتمانییانەدا دەدرێتەوە کە دەیانەوێت کاڵا و پێداویستییەکانیان ببەنە نێو قەزاکە. دانیشتووانی مەخموور دەڵێن ئەمە سزایە و دەیانەوێت شارەکە چۆڵ بکەن.
لە رێوڕەسمێکدا لە هەولێر، خەڵاتی زێڕینی لقی هەولێری سەندیکای هونەرمەندانی کوردستان بەخشرا بە هونەرمەند وەلید مەعرووف؛ ئەویش لە پەیامێکدا دەڵێت "هونەر پێش هەموو شتێک خۆشەویستی دەبەخشێت".
دایکێک رێگەیەکی نوێ بۆ فێرکردنی منداڵە ئۆتیزمەکەی دەدۆزێتەوە و دەڵێ، ئەو منداڵانەی ئۆتیزمیان هەیە دەتوانن سوود لەو کتێبە وەربگرن، بەگوتەی چارەسەرکارێکیش، دوای سێ بۆ شەش مانگ لە راهێنان منداڵانی ئۆتیزم سوود لە راهێنانەکان دەبینن.
لەسەر رێگەی گوندی تەل مەتار، لە ناحیەی قەراج، کە هاوسنووری حەویجەی کەرکووکە؛ چەندین گوندی کوردیی دیکە چۆڵ و وێرانن، رێگەی گوندە کوردنشینەکان هێشتا خۆڵە و چەندین کێشەیان هەیە.
دروستکردنی بەنداو و رێگە دووسایدەکەی گۆمەسپان لە سنووری هەولێر، زیانی بە بەشێک لە جووتیارانی ناوچەکە گەیاندووە و زەوی و زارێکی زۆریان لەدەستچووە. جووتیارەکان دەڵێن، حکومەت بڕیاری قەرەبووکردنەوەی دەرکردبوو، بەڵام دوای وەرگرتنی قیستی یەکەم، خەرجکردنی پارەکە راگیراوە.
لە کاتێکدا عێراق، سێیەم گەورە هەناردەکارى نەوتی جیهانە، بەڵام ماوەی 22 ساڵە نەیتوانیوە پڕۆژەیاسای نەوت و گاز تێبپەڕێنێت. ئەمە لە کاتێکدایە یاسای نەوت و گازى هەرێمى کوردستان، دواى 15 ساڵ لە کارپێکردنى، بە پاساوی نادەستووری بوون راگیرا.
بینای تاکە نەخۆشخانەی مەخموورە، بەڵام لەدوای هێرشەکانی 16ی ئۆکتۆبەر بووەتە سەربازگەیەی سوپای عێراق. قەزای مەخموور نزیکەی 235 هەزار کەسی تێدا دەژی، تەنیا بنکەیەکی تەندروستی هەیە و دانیشتووانی دەڵێن، بۆ بچووکترین کێشە ناچارین رێی دوور بگرینە بەر.
بە گوژمەی 230 ملیۆن دۆلار، قۆناخی یەکەمی یەکێک لە گەورەترین پڕۆژەکانی پاککردنەوەی ئاوەڕۆ لە عێراق، لە هەولێری پایتەختی هەرێمی کوردستان دەستیپێکرد.
