رووداو هەولێر
دوای تەواوبوونی یارییەکانی قۆناخی هەشتی خولی بالەی یانە نایابەکانی عێراق، یانەی شورتە لە پێشەنگی ریزبەندیدایە و دەیەوێت نازناوی وەرزی ئەمساڵ بباتەوە.
یارییەکانی قۆناخی هەشتی خولی نایابی بالەی عێراق بەشێوازی دوو قۆناخ بەڕێوەدەچن، یانەی شورتە لە قۆناخی یەکەمدا توانی سەرجەم یارییەکانی بباتەوە و بەکۆکردنەوەی 21 خاڵ پلەی یەکەمی ریزبەندی بگرێت.
شورتە بەپێکهاتەیەک کە سێ یاریزانی سەرەکی کوردن و پێکهاتوون لە عەبدوڵڵا کەریم، محەممەد کەریم و هاومەند فەتاح لەگەڵ یاریزانێکی پیشەگەری رووسی ململانێیەکی بەهێز دەکات.
محەممەد کەریم، یاریزانی کوردی یانە شورتە لە لێدوانێکی تایبەت بە رووداو، رایگەیاند "بێگومان وەرزی ئەمساڵ تیپەکەمان بەهێزە و دەمانەوێت نازناوەکە ببەینەوە، رکابەرییەکان ئاسان نین بەتایبەت لە قۆناخی دووەم، کە چاوەڕوان دەکرێت یانەکان یاریزانی پیشەگەری زیاتر بهێنن و لە ململانێی ئێمەش بەردەوام دەبن".
وەرزی ئەمساڵ هەریەک لە یانەکانی هەولێر و پێشمەرگەی سلێمانی دوو تیپی کوردی بەشداری خولەکەن، یانەی هەولێر وەرزی رابردوو پلەی دووەمی خولەکەی بردەوە و ئێستا بە کۆکردنەوەی 13 خاڵ لە پلەی دووەمی ریزبەندیدایە، یانەی پێشمەرگەی سلێمانیش 9 خاڵی هەیە و لە پلەی شەشەمە.
یارییەکان رۆژی چوارشەممە دەستپێدەکەن و بەمشێوەیەن:
میقدادیە - نەینەوا
شورتە - پێشمەرگە
غازی جنووب - پێشمەرگەی سلێمانی
دەغارە - مەسافی شیمال
وەرزی رابردوو یانەی غازی جنووب کە یانەیەکی شاری بەسرەیە، بۆ جاری هەشتەم لە مێژووی خۆیدا نازناوی خولی نایابی بالەی عێراقی بردەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ