مەلەی بەکۆمەڵی ئەورووپییەکان لە ساڵی نوێدا
رووداو دیجیتاڵ
لە کەناری سانت سێباستیا لە شاری بارسێلۆنای ئیسپانیا، وەک نەریتێکی ساڵانە، هەزار ژن و پیاو لە یەکەم رۆژی ساڵی نوێ، خۆیان بە ئاوی سارددا کرد و یەکەم مەلەی ساڵی نوێیان کرد.
جۆردی کوونێ، پزیشکە و چووە بۆ مەلە، دەڵێت: "کەمێک لە ساردییەکەی دەترسم، بەڵام حەزم لێیەتی، ئەمە وەک ئاڵنگاری وایە."
چالاکییەکە لەلایەن رێکخراوێکی خێرخوازییەوە رێکخراوە و تێیدا 12 هەزار یۆرۆ کۆکرایەوە.
هەمان چالاکی لە وڵاتانی دیکەی ئەورووپا بەڕێوەچوو، لەوانەش: شاری لیزبن لە پۆرتوگال، رۆما لە ئیتاڵیا، بەرلین لە ئەڵمانیا و باشووری فەرەنسا.
تەنانەت بەساڵاچووانیش خۆیان لێ نەبوارد. کارلۆس فۆلگادۆ، خانەنشینە و دەڵێت: "مێشک و رۆحمان پاک دەکەینەوە. بۆ ئەم ساڵ، هیوای تەندروستیی باش و وەستانی هەموو جەنگەکانی جیهان دەخوازین."
مێژووی ئەم نەریتە لە ئەورووپا بۆ کۆتاییەکانی سەدەی 19 دەگەڕێتەوە. پێشتر ئەمە وەک سرووتێکی کولتووری بۆ پاکبوونەوە و نوێبوونەوەی مرۆڤ لە ئاوی سارددا دەبینرا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ