جیهان
ڤلادیمیر پووتین، سەرۆکی رووسیا و دۆناڵد ترەمپ، سەرۆکی ئەمریکا لە لووتکەی APEC لە ڤێتنام لە نۆڤەمبەری 2017. وێنە: AP
رووداو دیجیتاڵ
ڤلادیمیر پووتین، سەرۆکی رووسیا دەڵێ، رۆژی پێنجشەممە لەگەڵ دۆناڵد ترەمپ، سەرۆکی ئەمریکا بە تەلەفۆن قسە دەکات.
پووتین لە سەردانێکیدا بۆ پێشانگەیەکی مۆسکۆ، بە رۆژنامەڤانانی گوت: "ئەمڕۆ لەگەڵ سەرۆکی ئەمریکا قسە دەکەم."
لەوکاتەوەی ترەمپ لە 20-1-2025ەوە وەک سەرۆکی ئەمریکا دەستبەکاربووەتەوە، دوو سەرۆکەکە لە پەیوەندیدان و مژاری سەرەکی پەیوەندییەکانیشیان جەنگی نێوان رووسیا و ئۆکراینایە.
پووتین باسی ئەوەی نەکرد لەگەڵ ترەمپ لەسەر چ گفتوگۆ دەکەن.
هەرچەندە جەنگی ئۆکراینا و رووسیا بەردەوامە، بەڵام دوو سەرۆکەکە بەم دواییانە پەسنی یەکدییان کردووە.
هەفتەی پێشوو، پووتین گوتی، "رێزی زۆر"ـی بۆ ترەمپ هەیە و پەیوەندییەکانی رووسیا و ئەمریکا بەرەوپێش دەچن. لە وەڵامدا ترەمپ گوتی، قسەکانی پووتین "زۆر جوان" بوون.
دوایین پەیوەندیی تەلەفۆنیی ترەمپ و پووتین رۆژی 14-06-2025 بوو. دوو سەرۆکەکە باسی جەنگی ئۆکراینا، دۆخی رۆژهەڵاتی نێوەڕاست و جەنگی ئێران و ئیسرائیلیان کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ