رووداو دیجیتاڵ
لە ئێرلەندا کچێکی کورد، کە دەیویست لەگەڵ هاوڕێیەکی ئێرلەندی بەشداریی ئاهەنگی دەرچوونی خوشکەکەی بکات، لە رێگەی چوونیان بەرەو شوێنی ئاهەنگەکە تووشی رووداوی هاتووچۆ بوون، بەهۆیەوە خۆی و هاوڕێ ئێرلەندییەکەی گیانیان لەدەستدا و خوشکەکەشی بریندار بوو.
رووداوەکە رۆژی سێشەممە 01-08-2023 لە شاری کلۆنیسی ئێرلەندا روویداوە، کچەکە ناوی دڵاڤا محەممەدە و تەمەنی 16 ساڵە، خەڵکی شاری عەفرینی رۆژئاوای کوردستانە.
جەلال رەشید، کە مامی دڵاڤا محەممەدە، بە تۆڕی میدیایی رووداوی راگەیاند، دڵاڤا لەگەڵ ئەڤین محەممەدی خوشکی و هاوڕێیەکیدا لە رێگەدا بوون بۆئەوەی لە ئاهەنگی دەرچوونی ئەڤینی خوشکیدا بەشدار بن، بەڵام تووشی رووداوی هاتووچۆ بوون.
ئەو مامەی دڵاڤا گوتیشی، لە ئەنجامی رووداوەکەدا دڵاڤا و هاوڕێ ئێرلەندییەکەی گیانیان لەدەستداوە و ئەڤینیش بریندار بووە.
جەلال رەشید باسی لەوەش کرد، خێزانەکەی دڵاڤا خەڵکی گوندی دەلا سەرێی سەر بە ناحیەی ماباتای عەفرینن و لە شاری کلۆنیسی ئێرلاند پەنابەرن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ