رووداو دیجیتاڵ
بەپێی ئامارەکانی ئاژانسی پلاندانانی ئیستەنبووڵ، تێچووی ژیانی مانگانەی خێزانێکی چوار کەسی لە گەورەترین شاری تورکیا بۆ 96 هەزار و 559 لیرەی تورکی (نزیکەی 2370 هەزار دۆلار) بەرزبووەوە. ئەمەش بەراورد تەممووزی پار 45.15% زیادیکردووە.
رۆژی دووشەممە، 4ـی ئابی 2025، ئاژانسی پلاندانانی ئیستەنبووڵ لە راپۆرتی توێژینەوەی (تێچووی ژیان) بۆ مانگی تەممووزی 2025دا ئاشکرای کردووە، تێچووی ژیان تەنیا بەراورد بە مانگی پێشوو (حوزەیران) بە رێژەی 3.35% زیادیکردووە.
بەپێی راپۆرتەکە، لە کاتێکدا تێچووی ژیانی خێزانێکی چوار کەسی لە تەممووزی 2024دا 66 هەزار و 933 لیرە (نزیکەی 1645 دۆلار) بوو، ئەم ساڵ گەیشتووەتە 96 هەزار و 559 لیرە (نزیکەی 2370 هەزار دۆلار).
تەنیا لە چوار مانگی رابردوودا خەرجییەکانی ژیان 9 هەزار و 106 لیرەی دیکەی (نزیکەی 225 دۆلار) چووەتەسەر، ئەمەش نیشانەی بەردەوامیی بەرزبوونەوەی نرخی پێداویستییە سەرەکییەکانە.
بوغرا گۆکچە، سکرتێری گشتیی ئاژانسی پلاندانانی ئیستەنبووڵ، رایگەیاند: "بەرەنگاربوونەوەی هەڵاوسان پرسێکی مان و نەمانە. بۆ ئەمەش پێویستمان بە دیموکراسی، سەروەریی یاسا، بەڕێوەبردنێکی پلان بۆ داڕێژراو هەیە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ