هەڵەیەک روویدا! دووبارە هەوڵبدە
رووداو دیجیتاڵ
هەزاران هاووڵاتی لە فەرەنسا لە گۆڕەپانی کۆماریی شاری پاریس خۆپێشاندانیان کرد و ناڕەزاییان دەربڕی دژی هێرشەکانی ئیسرائیل بۆسەر غەززە. خۆپێشاندەران داوای راگەیاندنی ئاگربەست لە جەنگی نێوان گرووپە چەکدارەکانی کەرتی غەززە و سوپای ئیسرائیل دەکەن.
ژان میلانشۆ، دامەزرێنەری پارتی (فەرەنسا ناچەمێتەوە) دەڵێت، "گرنگترین، کاریگەرترین و پێویستترین شت ئاگربەستە. لە هەر 30 چرکەدا بۆمبێک دەکەوێتە خوارەوە. ئەوە تۆقێنەرترین کۆمەڵکوژییە کە لەلایەن بەڕێز نەتەنیاهووەوە ئەنجام دەدرێت."
نزیکەی 19 هەزار کەس، لە پیر و گەنجی پاریس بەشداریی خۆپێشاندانەکەیان کرد. بە بەرزکردنەوەی وێنەی منداڵان و گوتنەوەی درووشم، ئاماژەیان بە گەورەیی ژمارەی قوربانیانی جەنگەکە دەکرد. بەشێکیان بە بەرزکردنەوەی ئاڵای فەلەستینیش پشتگیریی خۆیان بۆ کەرتی غەززە دەردەبڕی.
یەسا، خۆپێشاندەر دەڵێت، "ئەمەی ئێستا روودەدات تۆقێنەرە. ئەوە رۆژی 7ی تشرینی یەکەم دەستیپێنەکرد؛ لەڕاستیدا، ئەمە شەڕێکە کە 75 ساڵە بەردەوامە."
لەدوای دەستپێکردنی جەنگی نێوان گرووپە چەکدارەکانی کەرتی غەززە و ئیسرائیل، زیاد لە جارێکە خۆپێشاندان لە شاری پاریس بۆ راگرتنی دەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ