رووداو دیجیتاڵ
بەپێی ئەنجامی هەڵبژاردنەکانی ئەنجوومەنی شارەوانی لە ویلایەتی واشنتن، نارین بڕیار، کە کچێکی کوردی – ئەمریکییە، توانیوویەتی سەرکەوتن بەسەر رکابەرەکەیدا لە هەڵبژاردنی ئەنجوومەنی شارەوانیی شاری بێڵڤیو بەدەستبهێنێت و ببێتە ئەندامی ئەنجوومەنی ئەو شارە.
بەپێی ئەنجامی هەڵبژاردنەکە، نارین توانیویەتی زیاتر لە 51٪ی دەنگەکان بەدەستبهێنێت و بەسەر رکابەرەکەیدا سەربکەوێت کە نزیکەی 48٪ی دەنگەکانی بەدەستهێناوە.
شارەوانیی بێڵڤیو سێیەم گەورەترین شارەوانیی ناوچەی سیاتڵە لە ویلایەتی واشنتن، بەپێی سەرژمێری 2020، ژمارەی دانیشتووانی زیاتر لە 151 هەزار و 800 کەس دەبێت.
شارەکە بەیەکێک لە شارە ئابووری و تەکنەلۆژییەکانی ئەمریکا ناسراوە و ژمارەیەک کۆمپانیای گەورەی بواری تەکنەلۆژی لەو شارەن، لە نێویاندا پەیسەر ئینک، تی مۆبڵ و هەروەها ڤاڵڤ، هاوکات کۆمپانیای ئەمازۆنیش لە ساڵی 1994 لەلایەن جێف بیزۆس لەم شارە دامەزراوە.
نارین لە ئەمریکا لە ویلایەتی تەکساز، لە دایک و باوکێکی هەڵەبجەیی و سلێمانی لەدایکبووە، لە زانکۆی بۆستن خوێندنی باڵای تەواو کردووە و ئێستا دانیشتووی شاری بێلڤیووە لە ویلایەتی واشنتن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ