ئاڵای سوێد لەسەر باڵەخانەیەک لە شارێکی ئەو وڵاتە
رووداو دیجیتاڵ
حکومەتی سوێد بڕیاری داوە بە مەرجی نوێ و چاودێریی زۆرتر پاسپۆرت بداتە ئەوانەی لە سوێدن و بەنیازن وڵاتینامە داوا بکەن یان داوایان کردووە.
فەرمانگەی کۆچبەرانی سوێد رایگەیاندووە، لەمەودوا گۆڕانکاری لە پرۆسەی پێدانی پاسپۆرت و وڵاتینامەدا دەکات و تووندتر بووە. بۆ نموونە، کەسێک کە داوای پاسپۆرتی کردبێت و هێشتا وەڵامی بۆ نەهاتبێتەوە، دەبێت ژوانێک رێکبخات بۆئەوەی فەرمانبەرێکی ئەو فەرمانگەیە رووبەڕوو بیبینێت و لە ناسنامە و وردەکاریی دیکەی بکۆڵێتەوە.
فەرمانگەی کۆچبەرانی ئەو وڵاتە دەڵێت، ئەمە ئەوانەش دەگرێتەوە کە لە داهاتوودا داوای پاسپۆرت دەکەن و هەموویان دەبێت زانیاریی زۆرتر و رووبەڕوو لەگەڵ فەرمانبەرێک بدەن.
وەک فەرمانگەکە روونیکردووەتەوە، ئەمەش بۆ ئەوەیە تاوەکو ئەوانەی مەترسین لەسەر ئاسایشی نیشتمانیی سوێد یان تووندئاژۆن، یانیش ئەندامی گرووپە تاوانکارییەکانن، نەتوانن ببنە خاوەنی وڵاتینامەی سوێدی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ