ئاشبێرن، شارۆچکەیەکی بچووکی ئەمریکا، بەڵام کاریگەری لەسەر تەواوی جیهان هەیە.
رووداو دیجیتاڵ
شارۆچکەی ئاشبێرنە لە ویلایەتی ڤێرجینیای ئەمریکا، بە نهێنی ئینتەرنێتی جیهان بەڕێوەدەبات.
شوێنێکی گەورە و سەرنجڕاکێش نییە، بەڵکو شارۆچکەیەکی ئارامە کە زۆربەی خەڵک بەلایەوە گرنگ نییە. بەڵام شتە سەیرەکەی ئەوەیە، زۆربەی شتەکانی سەر ئینتەرنێت بەنێو ئەم شارۆچکەیەدا تێدەپەڕن.
ڤیدیۆکانی تیکتۆک و یوتیوبەکەت، تەنانەت داواکردنی خواردن لە درەنگانی شەودا، سەرەتا بەم شوێنەدا دەڕۆن پێش ئەوەی بگەنە دەستت.
لە دەرەوە، باڵەخانەکان ئاسایی و تەنانەت بێزارکەر دیارن؛ نە پەنجەرەیان هەیە، نە هیچ هێمایەک.
ئەگەر بە بەردەمیاندا تێبپەڕی، هیچ شتێک نییە سەرنجت رابکێشێت، بەڵام لەناوەوە، وەک بزوێنەری شاراوەی ئینتەرنێتن، هەمیشە کار دەکەن و بۆ یەک چرکەش ناوەستن.
ئەگەر ئەم شارۆچکەیە لەکار بکەوێت، ئینتەرنێت خاو دەبێتەوە، ماڵپەڕەکان کێشەیان تێدەکەوێ و
نامەکانت نانێردرێن و بەشێکی ژیانی مۆدێرن لە چەند چرکەیەکدا پەکیدەکەوێت.
بەڵام بۆچی ئەم شوێنە؟
چونکە نزیکە لە واشنتن دی سی، سەرچاوەیەکی گەورەی کارەبای هەیە و کێبڵە فایبەرە زەبەلاحەکان لێرە بەیەکدەگەن.
ئەمەش واتای ئەوەیە گواستنەوە بانکییەکانت، یارییە ئۆنلاینەکان، داتای نەخۆشخانەکان و تەنانەت فایلە حکومییەکانیش، بەنێو داتا سەنتەرە شاراوەکانیدا گوزەر دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ