هەڵەیەک روویدا! دووبارە هەوڵبدە
دەروازەی سنووریی ویلایەتی ئەریزۆنا
رووداو دیجیتاڵ
بەرپرسانی ئەمریکا بڕیاریاندا دەروازەی سنووریی ویلایەتی ئەریزۆنا لەگەڵ ویلایەتی سۆنۆرای مەکسیک دابخەن، ئەوەش وەکو هەوڵێک بۆ رێگری لە چوونی زیاتری کۆچبەران.
ئیدواردۆ سۆتۆ، کۆچبەر دەڵێت، "لە دووشەممەوە دەستیان بە داخستنی سنوورەکە کردووە و نازانین کەی دەکرێتەوە. بەهۆی دۆخی کۆچبەران و کەمیی کارمەندی ئەمریکییەوە سنوورەکە داخراوە."
ئەمریکا و مەکسیک سێ هەزار و 145 کیلۆمەتر سنووری وشکانی هاوبەشیان هەیە. 48 دەروازەی سنووری و 330 خاڵی چوونەژوورەوەی فەرمی لەو سنوورەدا هەن.
بە گوێرەی دەسەڵاتی سنووری ئەمریکا، ساڵی رابردوو دوو ملیۆن و 200 هەزار کۆچبەری نایاسایی چوونەتە ئەمریکا؛ ئەو ژمارەیە لە نۆ مانگی سەرەتای ئەمساڵدا 2 ملیۆن و 400 هەزار بووە. خەڵکی ناوچە سنوورییەکانی نێو مەکسیکیش ئومێدەوارن زوو سنوورەکە بکرێتەوە.
لویس ڤالدێس ریس، دانیشتووی ناوچە سنوورییەکانی مەکسیک دەڵێت، "دووشەممە زانیمان کە دەروازەکە لە هەردوولاوە داخراوە. گفتوگۆ هەبوو لەبارەی کێشەی ئەو قوتابییانەی لە ئەمریکا دەخوێنن. لە روانگەی ئابوورییەوە دانیشتووانی ناوچە سنوورییەکان زۆرترین زیانیان بەردەکەوێت."
بەهۆی زۆری ژمارەی کۆچبەرانیشەوە، بەرپرسانی ویلایەتەکانی ماساچوتس، نیویۆرک و ئیلینیۆی باری نائاساییان راگەیاندووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ